راته ووايه تۀ څوک يې؟

[Yousafzai Pakhtun]

راته ووايه تۀ څوک ئې؟
چې زما په زړۀ کښې اوسې
په ګلونو کښې يو ګل دے
په ګلاب باندې يادېږي
او ښائست لري په خپله
هم چمن پرې ښائسته کېږي
ټول ګلان ئې غلامان دي
دے بادشاه هسې هسکېږي
راته ښکاري جوړ هغه ئې
نه خطا شوم
شک ئې نشته په ښائست کښې
خو غاوره په خپل حسن
چې ئې مل د يو ساعت دے
د کم ظرفه بنيادم شان
خوشحال په خوشامندو
دے نغمې د بلبل اوري
ساعت تر ساعته پرې پړسېږي
د خندا د لاسه خور شي
د هوا په يو څپېړه
دا ښائسته
نازک
د خوشبو ډک وجود
په زمکه پاڼې پاڼې خور شي
هم د دۀ خندا د دۀ د مرګ پېغام شي
خدائې دې نۀ کړي چې تۀ ګل يو د ګلاب ئې!

(سيده ثروت جهان)

[Yousafzai Pakhtun]

dera manana, share more if you can.

تصوير

يو ملنګ خپله بيزو
زما کوڅه کښې پرېښوه
نېغه مې کټ له راغله
کټورے ئې ما له راکړو
زۀ ترې خبر هم نۀ شوم
پټه کمرې ته لاړه
زما او ستا تصوير وۀ
چې ښۀ په فرېم کښې بند وۀ
په غېږ کښې ئې ونيولو
ستاسو دېوال سره جخت
ونې ته وختله
زۀ ورته لاندې ولاړ
ډېره زاري مې وکړه
شيشه ئې ماته کړله
فرېم ئې ټوټې ټوټې کړو
تصوير ئې ځان سره کړو
کله به ئې ماته کتل
کله تصوير ته ګوره
کله به ئې تا ته کتل
کله تصوير ته ګوره
په مينځ ئې دوه ټوټې کړو
زما تصوير ئې ما ته
جولۍ کښې وغورځوۀ
ستا د تصوير ټکړه ئې
تا ته در لړه کړله

(امين الله داؤدزے، د څومره لويه الميه ده نه ماخوذ)

[Feroz Afridi]

zabardast aw beekhi nawey khayaal dey.
dasey mazam faqat Ameen Ullah Dawoodzai leekalay shi.
dair alaa

[erlangner]

Yarra der zabardast khayal ao tasawwar.
Allah de daudzai sahib abad lari.

[Yousafzai Pakhtun]

@Feroz saib
Afridi saib mubarak mo sha....Da Nazam da 1st year Pukhto Textbook key shaamil krey sho...da dey na ilawa nora hum dera kha au inqilabi shayeri shamila krey shawey da (pa wrombee zal) ...InshaAllah za ba ye waqtan pawaqtan post kom....

[aftab.yusufzai]

deer ala awo zabardast sharing mou karay dai.
khushala wosy.

[Feroz Afridi]

dair kha yusafzai seb..
ameen daudzai ye haqdara dey.