Relatively easy texts written in Eastern Pashto

[یاسمینه]

In this thread I am going to post poetic text written in Eastern Pashto. Texts are good for those who are on intermediate level. This is good exercise in translation.

All texts are from the book ښکلی کاب

د رنګونو اتڼ

د کاغذ خوار میدان تش وو. لیري یو ساز غږېدو. سور را پاڅېدو او ژېړ ته یې لاس وړاندې کړ. دواړه ورو ورو په نڅا شول. د دوی وجود له یو بل سره ولګېدو. او ناببره نارنجي هم ورسره مل شو. شنه چې کله میدان ته راټوپ کړو نو ژېړ بیا دده لاس ونیولو او د اتڼ په نغمه کښې جوش پیدا شو. همدغه وخت ژېړ او شنه، نیلا راوزېږوو. د هر یوه د نڅا نه نوي رنګونه میدان ته راوتل. کاسني، اودي، نسواري، فیروزي، لاجوري، ګلابي... او بیا د نړۍ په مخ د سرور داسې څپې خپرې سوې چې د انسان سترګي یې تر اوسه په کتلو نه مړېږي

[یاسمینه]

یو اړخیزه مینه

په یوه تخته باندې چا ولیکل
٬زه د خواړه سره مینه لرم٬
څو ورځې چې تېرې شوې نو د یو بل چا دې لیکنې ته پام شو او لاندې یې ورته ولیکل. ٬خواړه ستا سره مینه نه لري٬
د پښته یوه لنډۍ ده چې
٬مینه په تلو راتلو زیاتېږي
کله راځه کله به زه درځم مینه٬
هو څوک په دې باور لري چې مینه یو اړخیزه نشي کېدای. هو څوک غواړي چې د مینې په بدل کښې مینه تر لاسه کړي. ښايي د دوی انسانانو تر منځ مینه به همدغسې نوعیت لري. که یو مین د خپلې مینې احساس څرګند نکړې نو کېدائیشي معشوق هم ترېنه ډډه وکړي او ورو ورو د دوی هر نازک احساس ورک شي او مینه پای ته ورسېږي
خو ریښتونې مینه تل پايي او په داسې حالت کښې هم ژوندۍ وي چې معشوق ورته هیڅ پام هم ونکړي. د خدای سره مینه همدغسې وي او فطرت د ښکلاوو او بوټو او ګلونو سره مینه هم یو اړخیزه وي. او د خواړو سره مینه ... ایا مینه هم کدای شي؟