sandara de pukhtoon by feroz afridi

[Feroz Afridi]

د پښتون سندره
فيروز اپريدے


راځئ چې يا قربان کړو نن سندره د پښتنون
سندره د پښتون
چې وکړو پکې ذکر او خبره د پښتون
خبره د پښتون

راځئ چه پکښې وستايو تاريخ د لوئ خيبر
راځئ چه پکښې ياد کړو اشنغر او پښاور
ايلم پکښې ښکاره کړو ملاکنډ پکښې په سر
د سوات او د مردان پکښې تکرار وکړو اکثر

تاريخ پکښې ګواه کړو ښه په نره د پښتون
په نره د پښتون
چه وکړو پکښې ذکر او خبره د پښتون
خبره د پښتون

راځئ چی لږ ور تير شو د کوهاټ نه تر ګومل
د حسن ګل خو کورمې دی ټومبلي په اوربل
جنوب د پښتونخوا کښې شاړې غرونه او ځنګل
د کوئټې او چمن خلق ځا رېږي يو تر بل

دا خاوره ده تر مښکو معطره د پښتون
معطره د پښتون
چه وکړو پکښې ذکر او خبره د پښتون
خبره د پښتون

په بره پښتونخوا کې شرق ته پروت دې ننګرهار
کابل دۍ که غزني دې که پکتيا که قندهار
د ټولو پښتنو افغانستان دې مور او پلار
که لر دې او که بر دې يو ئې نوم يو افتخار

نامه ده په نړۍ کې منوره د پښتون
منوره د پښتون
چې وکړو پکښې ذکر او خبره د پښتون
خبره د پښتون

په دې خاوره پيدا دې ايمل خان او دريا خان
د تورې او قلم خاوند يادېږي خوشحال خان
که يو طرف ته ګورې مبارز دې پير روښان
په بل طرف بلبل د شاعرانو دې رحمان

په هر لحاظ ده خاوره بختوره د پښتون
بختوره د پښتون
چې وکړو پکې ذکر او خبره د پښتون
خبره د پښتون

په هر زمان پېدا دې په دې خاوره ښه ځوانان
د تورې غږ ختلي ئې په هند او په ايران
احمد دې که اېپي دې که ښاغلې پادشاه خان
حاجي د ترنګزو دې که شنوارئ حمزه خان

فيروزه ښه قيصه ده معتبره د پښتون
معتبره د پښتون
چې وکړو پکښې ذکر او خبره د پښتون
خبره د پښتون
http://www.youtube.com/watch?v=wrfXR9VDi8U

[Sarbaz Khan]

فیروز صيب تندي دي دا خکلولو دي. ځما ستاسو شعرونه ډير زيات خوښ دي. اباد اوسي

[Feroz Afridi]

sar baz jana..qurban dey sham.
ghalebaan staso [a wena kho za deltha raghalay yam kho pa shnayaano de kha wa na lagedam.
manana

[Feroz Afridi]

hahahhaha

zhwandi aussai
za stase yoe khidmatgar yam aw khidmatgar beya kala zaan warpaijani?
kho sok warta che har sa num wakhli bas ham agha ye num wi.

manana