Khkuley maashum

[Yousafzai Pakhtun]

هغه يو ښکلے ماشوم
هغه بې پلاره او بې موره بچے
هغه بې کوره بچے
چې له مودو مودو نه
د سوزکو اډه کښې
پردۍ موټرې وينځي
زۀ ئې اکثر وينمه
چې ئې په لار تېرېږم
ډېر په قلار تېرېږم
چې لږ ئې ډېر ووينم
چې هم ئې ښۀ ووينم
هغه ښائسته دے او د رنګه سپين دے
هغه هر څوک پېژني
هغه د هر چا مني
هغه ډېر ډېر څۀ مني
څوک ئې په مخ لاس راښکي
څوک ئې په شا لاس راښکي
خو
څوک ئې په سر لاس نۀ ږدي
په سر ئې سېورے نشته

عبدالوحيد ګران

[Nokia_Apridy]

Yp khushala usay zra warsrs takor shi........gani zra ka khu maseed waregey

Khu zmung judai ao yu walay da PUKHTU Da para.......bya

sra da Darogho takor warkawo......

[Feroz Afridi]

د وزير بادشاه جانان نظم په يو مهاجر ماشوم ب&#1

خېمې

د يو خېمې خوا کښې وړوکے ماشوم
ناست وو په زمکه ئې لکيرې کړلې
کله به ښۀ په خرټ خرټ اوژړېدو
کله به ئې سر په ګرېوان اومنډلو
ورغلم خوا کښې ورته کښېناستمه
ماشوم د اوښکو ډکې سترګې ماته
لکه تپوس ئې کړو لما نه د څۀ
خو د ماشوم مرۍ له غريو وه ګنډه
د سرو سرو سترګو نه ئې اوښکې راغلې
ما راوچت کړلو سينې ته راجوخت
د ماشوم مات شو پشکال د سترګو
زما هم اوښکو صبر اونۀ کړلو
په بړق بړق دواړو چې ښۀ اوژړل
ماته ماشوم سترګې راپورته کړلې
بابا لتا هم خورکے ورکه ده
که درنه مور ده پټه شوې چرته
پوئے شوم چې دا خېمه د دغه ماشوم
چرته کښې دے د بل ځائے راغلے

ماشوم راجوخت شولو سينې ته زما
بابا د ډېرو ورځو وږے يمه
ماته يوه روټۍ پېدا کړه چرته
زما نه ورک زما بابا دے بابا
ما په تندي ماشوم بوسه چې کړلو
بيا مې په غېږه کښې ټينګ اونيولو
ستا نه روټۍ قربان جامې قربان شه
نورې دې اوښکې کړه له سترګو پاکې
تر څو پېدا چې دې تا مور نۀ کړم
تۀ تر هغې به زما غېږه کښې ئې
د سوات د ګلو نه ښائسته ماشومه
ستا نه قربان د ملاکنډ سمبل شه
د باجوړ غانټول راټول به کړمه
ستا سترګو شونډو ته لوګے به ئې کړم
نورې سلګۍ ګورې چې اونۀ کړې بيا
زما د دواړو سترګو تور بچيه
جانان اونۀ ازاروې نور بچيه
جانان اونۀ ازاروې نور بچيه

قطر: ٢٠٠٩-٧-٢١
õõõ

[erlangner]

feroz lala, manra pa jara de kroo, na pohegam che kha warta owayam, kho bas da wayallay sham, che ehsas de raorasedo.

[Feroz Afridi]

مننه خټک صيب۔
بس دغه زمونږ نصيب دے

د ازل په ورځ د برخو جواري وه
اے رحمانه چا ګټلې چا بائيللې۔