Ghazal

[Yousafzai Pakhtun]

چې ستا د سرو اننګو رنګ واخلي
لوپټه ښه ده خپل قلنګ واخلي

د نفرتونو له نمۍ ئې بچ کړه
د زړۀ آئينه به درنه زنګ واخلي

دا يو پښتون دے په ځان نۀ پوهېږي
څوک به په بيه ځان له جنګ واخلي

رقيب ته ځکه مېدانونه خورمه
چې لږ غېرت واخلي او ننګ واخلي

يه د ننګونو زمکې هيڅوک نشته
د وخت اورنګ نه چې اورنګ واخلي

راته مسکے شي بيا رقيب له ورشي
رانه بدل په هغه درنګ واخلي

د جنتونو هيڅ پروا نۀ لري
څوک چې مزې د يار د څنګ واخلي

[Yousafzai Pakhtun]

چې ستا يادونه په کښې نۀ ساتمه
بيا په سينه کښې څۀ له زړۀ ساتمه

نۀ پيکه کېږي په ترخو کتو دې
زۀ تعلقات دومره خواږۀ ساتمه

لېونے زړۀ مې په ښائست مئين دے
د سوي لاس په شان ئې زۀ ساتمه

امن په دې ښار کښې به کله راځي
زۀ به تر څو ور د کالۀ ساتمه

چې ستا د مينې لار کښې وي نو وي دې
والله کۀ خيال د ژوندانۀ ساتمه

بې قراري، اوښکې، سلګۍ، دړدونه
څۀ څۀ به ياد د بېلتانۀ ساتمه

د ډېرو خلقو رټې سپورې وړم
د يو ښاغلي ښکلي زړۀ ساتمه

هر يو حسين مې په زړګي بلوڅېږي
مشتاقه کوم کوم نه ئې وۀ ساتمه

[Saeed Khan]

Yousafzai wror der kha..... ao roja da wala che der march masale lagawano zor me nishta khob razzi kho yo zal bia dar ta wayam che der kha....

[Feroz Afridi]

da majrooh seb kalam dey kana.
zabardast

[Yousafzai Pakhtun]

au jee bilkul da baba da computer na mey oss oss rapat koo....Daa wrombey ghazal kho neemgarey dey.....

[Yousafzai Pakhtun]

لږ شانې وخت او حوصله پکار ده
په دې حالاتو تبصره پکار ده

ستړې مازغۀ ټکورول غواړمه
يوه خوږه غوندې قصه پکار ده

په ما ئې خپل کور کښې ژوند نۀ دے پېرزو
اوس خو يو سکوټه فيصله پکار ده

چې ځنې خلق پکښې زده کړي ژوندون
يوه د مينې مدرسه پکار ده

دا ماتول ئې بيا بيا خوند نۀ کوي
توبې ايستلو نه توبه پکار ده

کرونده ګر د نفرتونو ډېر شو
د محبت خوږه ټپه پکار ده

د هجر دشت د انتظار غرمو کښې
ستا د خورو زلفو سايه پکار ده

مشتاقه هر حال کښې هرڅنګه چې وي
د ژوندانۀ سره رشته پکار ده

[Feroz Afridi]

ادبي غلا
هاهاهاها
داسې غلا خو جائيزه ده هر وخت ئې راوړه مونږ ئې قبلوو

ډير ښۀ مجروح صيب
ډېر اعلي

[Yousafzai Pakhtun]

Shlombay dear Here is another ghazal written by my father, as you requested

د نفرتونو نه نفرت پکار دے
مينه پکار ده محبت پکار دے

د حوصلو ګرمي راوپاروئ
کنګل ژوندون له حرارت پکار دے

ځان شتۀ کول او ځان له شناخت جوړول
په وېنا نۀ شي حرکت پکار دے

پښتنو مينه ګناه ولې ګڼئ
د دې جذبې خو ډېر عزت پکار دے

څۀ دے رقيب او رقابت د هغۀ
ستا د بڼو يو اشارت پکار دے

يوه لحظه ديدن ئې هم کافي دے
راځه زړګيه قناعت پکار دے

تا نه لوګے دا ځل وعده پوره کړه
له روايته بغاوت پکار دے

وړو سلګيو ته مې غريو ونيوله
وېل ئې وړو باندې شفقت پکار دے

ستا سنجيده ناسته مې خوښه نۀ ده
لږه مستي او شرارت پکار دے

جونګړې سيزي عجيبه منطق دے
او خپل محل ئې سلامت پکار دے

هغه ښائسته دے سم د کوکو ښائسته
په هر غزل کښې ئې صفت پکار دے

چې د بې مينو راج چلېږي چرته
مشتاقه هلته نه هجرت پکار دے
(مشتاق مجروح يوسفزے)

[Yousafzai Pakhtun]

Well jasmine i'll try my best ....but he won't allow me...actualy i stole it from his PC...

[Yousafzai Pakhtun]

For our Dear friend Shlombay.....

..

[Yousafzai Pakhtun]

هغه چې ما ته له خپل ځانه ګران وۀ
هغه لوستلو کښې بې شانه ګران وۀ

ما پېژندلي وو هم عصره خلق
ولې ژوندون بې له جانانه ګران وۀ

ما ورله کور د زړۀ په کور کښې ورکړو
د جانان غم له کل جهانه ګران وۀ

هغۀ د مينې پت پاللے نۀ شۀ
ورسره تګ په لار ارمانه ګران وۀ

د ژوند بدل کښې ما وېړيا ګڼلو
ستا يو نظر راباندې ګرانه ګران وۀ

ما په يو داسې ملک کښې ژوند تېر کړے
چې هر يو څيز ئې له انسانه ګران وۀ

[erlangner]

Kha yousafzaya, tase de mushtaq majrooh sahib zoee yae. Hagha urdu ke waee kanna,

Khandar bata rahe haen, eemarat haseen thi.

Stase de khabaro ataro na, atko patko na, khkareda, che charta loe shawee yae.
Allah mo khoshala sata.

[Feroz Afridi]

ګل ميخ دې په ټک واهلو۔

[Nokia_Apridy]

Neka

lala ma ba darta walay wail............da bal arkh na khbar rasdalay wu rata

Zka mung khu ba da Baba khpo khawara ka shu hem kha Kesmat ba ma wi

dar kha Manam