د ښاغلي ارمان " لېوني"

[Feroz Afridi]

ډيره مننه د دې ښکلي ازاد او معري نظم د شريکولو د پاره

صفت ئې دا دے

هر بلبل به دې ثنا کړي که ته ګل شوے
د خپل ځان صفت پخپله پکار نه دے

ډير ښائيسته شعر دے او د يوې ښائيسته پيغلې د درد او الم ډکه مړينه پکښې منظومه شوې ده۔
ښکلي الفاظ او ښکلې مصرعې دي۔
ډير اعلي

[Feroz Afridi]

ما هم په يوه پښتنه ځواني مرګه پيغله وړوکي غوندې نظم ليکلې وو ستاسو په حضور کښې ئې وړاندې کوم۔
مننه۔


ملغلره

ډیره نیمګړے نیمه خواۀ او ژړیدلې لاړه
دا پښتانه ملاله ، ډیره دردیدلې لاړه

سپین ښکلے مخ ښاېٔسته وجود،غندل غندل ځوانی ئې
د خائیست میرۀ تورو خاورو ته داغلې لاړه

زه ئې د لویو حوصلو او قربانو نه ځار شم
د مرګې خلې ته پښتانۀ وه ملا تړلې لاړه


د سر او ماله تېرېدل د پښتنو وصف دے
پښتانۀ پېغله ملغـــلره وه سپيځلې لاړه

خداېه په ګور ئې د ګلونوګلستان زرغون کړے
څه پاکه ساکه د دنېا نۀ غلې غلې لاړه