Amir Hamza khan Shinwari Baba..

[Feroz Afridi]

حمزه بابا

د حمزه بابا د کلياتو نه يوه خوښه!

سلامونه ګرانو!
پرون خبر شوم چې هغه بله ورځ د حمزه بابا کليزه وه. او بله د افسوس خبر دا وو چې د هغوۍ زويه، مراد شنواري، هم په دغه ورځ په حق او رسېدلو (اناّ لله و اناّ اليه راجعون). الله دې دواڼه اوبخښي.

دا ده حمزه بابا يو غزل وو د کمې سره چې هغوۍ دا ليکلي چې "ځني صاحبانو د دې وينا د تاثر نه، چې حمزه اوس غزل نه شي ليکلے". خدائے دې اوکړي چې ستاسو هم خوښ شي.

لا په افق د پښتونخوا هم ځلېدلے نـــه يــم
زه هغه نمر يم د افاق چې راختلے نـــه يــم

د خپل جرس په غږ کښې محو يم سفر کومه
لکه غبار د چا په سترګو کښې لوېدلے نه يم

لا سخـــن خېــزې دي زمــــا د تخيـــــل ژورې
زه د غـــزل لـــه بلنديــــو پــريـــوتلے نــه يــم

يم هغه در چې له صدف وي ايلــه اوس وتلے
لا خو زه هـــار ته د خوبانـــو ورختلے نــه يـــم

په زيــړ بشـــر واړه وجود زمــا غلط شوې ولې
لا مې د اور مـرحلـــه پاتــې غزېدلے نــه يـــم

په فيض د يـــار د برندو سترګــو، قهريدلو زلفو
زه د حالاتــــو د تيــرو نه بـــوږنېــدلے نــه يـــم

پيـــر د غــــزل شومـــه لايق د پيروۍ يمـــه زه
لکه ماشوم په اضطراب کښې لوبېدلے نه يـم

پڅې بياتۍ بـه د وختونــو په تنقيد شي زمـــا
چې لا د "کيفه" ځني "کم" ته راوتلے نــه يــم

شتــه انګازې د نوي ژوند مې د نکهت په ژبــه
لا هغه ګل يم زه حمزه چې غوړېدلے نــه يــم

(حمزه بابا)