duaa...دعا

[Feroz Afridi]

دادعا زما دعا...شاعر فیروز افریدی

څوک مسافر مه کړے خپل کلے کور په وران مه کړے
عظیمه خدایه !!! ته بل څوک زما په شان مه کړے

ما د ژوندون لمحې په څومره لوئ قیمت اخیستی
څوک د سفر سودا کښ ما غوندې ارزان مه کړے

په څو څو لاکه شهیدانو یې وطن ګټلې
نور د افغان کور د غلیم د لاسه وران مه کړے

مونږ دخپل عشق په خاطر بیا سره یو ځائ کړے ربه
زۀ د جانان او نور جانان زما ارمان مه کړے

خدایه چه څوک هم د پښتون په کور کښ شر جوړوی
دا مې دعا ده چه یې خپل کورګې ودان مه کړے

http://www.youtube.com/watch?v=8Ws84...layer_embedded

[Feroz Afridi]

http://www.youtube.com/watch?v=8TDlBn2fdBE&feature=related

[Feroz Afridi]

افغانئ خودکشه پیغله

افغانئ خودکشه پیغله شاعر فیروز افریدی
په ځان وژونکی بمی برید کښی افغانئ خودکشه پیغله والوته

زما خورې زما لورې
ځوانی مرګې او مجبورې
هغه کومه دا سې ګټه ؟
یا تاوان نه ځان ژغورل وو؟
یا جنت چرته ګټل وو ؟
چه د ځان ټوټې ټوټې کړو؟


زما خورې زما لورې
ځوانی مرګې او مجبورې
ما له دومره جواب راکړه
چه تا ولې داسې وکړل؟
هغه کوم داسې حالات وو؟
داسې کومه مجبوری وه؟
یا حرص وو که هوس وو ؟
که د چا ظالم د لاسه
خپل ناموس وو تا بائیللې ؟
یا بدل د چا د ظلم
پریخودل درته پیغور وو
یا د دین فرقے د پاره
ځان وژل په تا یو پور وو؟

زما خورې زما لورې
ځوانی مرګې او مجبورې

تا خو سترګې کړلې پټې
خو زما سترګې شوې ټیټې
په بیدیا باندې بربنډ پروت
ستا ټوټی ټوټی وجود دے
اندامونه د ښکاره دی
د وجودپرده د نشته
د حیا ستر د مات دے
ګل وجود د سخا نالئ کښ
وارث نه لرې میرات دے
ټول مخلوق د تماشه کړی
په اخبار کښې هم راغلې
بې حجابه ستا تصویر دے
افغانئ خودکشه پیغله
لیک ترې لاندې دا تحریر دے

زما خورې زما لورې
ځوانی مرګې او مجبورې

[Feroz Afridi]

ایمل خان کاسی
د ایمل خان کاسی د مړینه په موقع یو نظم


ایمل خان کاسی

ایمل خانه سر د وګټو مړ نه یې
ځان نه مخکښ د ابلیس ځامن د مړه کړل
او په مخه روغ رمټ ترینه راستون شوے
خو د کور دروازے بندې وې بیا ستون شوے

ایمل خانه !!!شیطانان بلا ډیر زیات دی
په نړئ کښ بے حسابه زورور دی
مخلوقات د دوئ له جوره زیر زبر دی
د وګړی په رګونو کښې په زغل دی
په شعور او لاشعو باندې قابض دی

اېمل خانه!!پښتانۀ چه توره واخلی
هله کښېنی چه غلیم خاورو ته بوزی
ستر پښتونه تا دشمن له شکست ورکړو
او قیصه د ایمل خان د راتازه کړه
چا مغل چه په خیبر کښی وو وهلے
ستر خوشحال چه په اشعارو وو نمانځلے

ایمل خانه د مرویس نیکه لمسیه
د احمد بابا هم روح درنه خوشحال شو
د شیرخان د وینو رنګ نور هم تازه شو
د عمر د تورې شرنګ نور په غورزنګ شو
سر د وشینده پښتون د زنده باد کړو
د فیروز دشعر وران کور د اباد کړو

فیروز افریدی
دوحه قطر
۲۳/۱۱/۲۰۰۲

[Feroz Afridi]

پښتون خودکش زلمې....feroz afridi

پښتون خودکش زلمې
نظم

زما خود کش بچييه
چرته روان شوې ګله
مور دې د سپينې خولګۍ
په څو څو واره ځار شه

زما خودکش بچييه
زه ستا د خپلې خاورې
يو پلار پوښتنه کووم
په تا مې نه لوريږي
چې ستا دا سرې پيچکې
د غه غندل ځواني دې
په اور ايره ايره شي
په بم ريښه ريښه شي

اوس مې پوښتنه دا ده
چي ځان ته ولې وژنې؟

چيرته د دين د پاره؟
که د پښتو د پاره ؟
که د پيسو د پاره؟

دين خو د نورو خلکو
د بې ګناه وګړو
په وينو لاس لړٰلې
کله روا بللې؟

په کروړونو خلکو
هم دغه دين او ايمان
د ستا په شان منلې
خو بل چا ځان وژلې؟

زما نيازبين بچييه
زما شيرين بچييه

پښتو هم نه ښائي دا
ديو دښمن د پاره
سل بې ګناه د مړه شي؟

پښتون خو ننګ کوي تل
په مظلومانو باندې
په غريبانو باندې
په بې وسانو باندې

د يو ابليس د پاره
خپله تنکۍ ځواني دې
په اور لمبې لمبې کړې
ځان دې ريښې ريښې کړې

چيرته د کونډې بچے
چيرته اسرا د بوډا
چيرته د کور تورسرې
چيرته ځوانان غريبان
ځان سره لو لپه کړې
هر څه په اور لمبه کړې

زما د خاورې ګله
زما خوکش بچييه

خلک خو دا هم وائي
ځان په پيسو وژنې ته

پيسې د چا د پاره
دومره ګټل غواړې ته ؟
پيسې د هيچا نه دي
چې تا نه پاتې شولې
هر چا نه پاتې شولې

زما پښتون بچييه
د مور سکون بچييه

نه دې ايمان وګټو
نه دې خپل ځان وګټو
نه دې پښتو سر کيږي
نه د پيسې کاريږي

زما ګل رنګ بچييه
زما لوړ دنګ بچييه

چرته روان شوې ګله
مور دې د سپينې خولګۍ
په څو څو واره ځار شه

دا ځل لږ فکر وکړه
د پلار فرياد دې واوره
د مور ژړا ته غوږ شه
د خاورې غږ دې واوره

راشه زما ګلابه
زما په خوا کښې کښېنه
چې دا ګلونه درکړم
دغه سيندونه درکړم
دغه لوئې غرونه درکړم
دا چمنونه درکړم
دا موسمونه درکړم
خواږه وختونه درکړم

راشه زما شه ګله
بس که پخله شه ګله
دا ټول جهان ستا دے
چې ښکلے ځان ستا دے

فيروز افريدي
جمعه
۲۶ ستمبر ۲۰۰۸
دوحه قطر

[Feroz Afridi]

د مسافرانو سوال
په پردي وطن پراته د مسافرو سوال د اهل وطن څخه

د وطن د ښامارانو نه يو سوال

اے په وطن باندې پراتو د ښامارانو بچو
اے په و حشت او بربريت باندې اخته ديويانو
د اژدهے په څير په خله کښي اور پالونکو خلکو
وطن مو ولې لو لپه او سرې لمبې لمبې کړو ؟
په کوم سبب مو وران ويجاړ کړو زمونږ ښکلې وطن؟

اے خون خورو ،وطن فروشو،مذهبي غلاګرو
چا درته دا وطن په مال غنميت درکړې؟
چې په خيراج کښې اوس د خوار اولس سرونه وهئ؟

اے شرپسندو،په وطن باندې قابض وحشيانو
مونږ مسافر درنه د خپل وطن پوښتنه کوو
تاسو په کوم قانون د روغ وطن دا حال کړې دے؟
چې د شيطان په لاس بعيت مو د دجال کړې دے

خيانت ګرو،غدارانو، د وطن د ښمنو
د مسافرو ،کنډو رنډو، يتيمانو برخه
د خپل هوس او د حرص په تور ښامار خوړلے
تاسو د خپلو وروڼو خاوره په اغيار خوړلے

مونږ چې وطن درته پريخوو نو داسې حال خو نه وو
هر خوا ته امن وو، وطن کښې سوکالي ډيره وه
شنه پټي،ښکلي چمونونه ،دريابونه، دشتے
په غر او سمه کښې د شنو باغونو شنے ځنګلے
د لوړو غرو نو سپينې سپينې دا واورينې څوکې
د خوشبئيوډکې، ميوادارے ګل وريني درې

مونږ بدنصيبو نه شو پاتې دا جنت د وطن
هر څه مو تاسو ته شو پاتې امانت د وطن
مونږ درنه لاړو د نيستئ د غوڅيدو د پاره
چې دپردي وطن نه تاسو له ډالرې راوړو
لوږو وهلو تنده غرو ته خو څه وګټو؟
چې د بې وسو غم زپلو څه ګزران په وشي!!

دا مو ارمان وو چې وطن به ځان له ښکلې جوړ کرو
يو څو به ځان له کوټڼئ چرته پخې جوړې کړو
کوټڼئ څه چې اوس د خاورو بوساړې هم نيشته
د لوږو تندو سره مخ په خپل وطن بې کوره
بچي مو ګرځي بې درکه ابلے خپې سرتوره

مونږ د کلونو نه راورک د خپل وطن نه لرې
مسافران د خپل وطن په حال غمجن ژړيږو
نور د وطن د خوشحالو را سره څه پاتې شو
ډير د مودو مو دو خوبونه مو ويده پاتې شو
ډير اميدونه ،ارمانونه مو په زړه پاتې شو

[Feroza_Banu]

افغانئ خودکشه پیغله شاعر فیروز افریدی
په ځان وژونکی بمی برید کښی افغانئ خودکشه پیغله والوته

زما خورې زما لورې
ځوانی مرګې او مجبورې
هغه کومه دا سې ګټه ؟
یا تاوان نه ځان ژغورل وو؟
یا جنت چرته ګټل وو ؟
چه د ځان ټوټې ټوټې کړو؟

زما خورې زما لورې
ځوانی مرګې او مجبورې
ما له دومره جواب راکړه
چه تا ولې داسې وکړل؟
هغه کوم داسې حالات وو؟
داسې کومه مجبوری وه؟
یا حرص وو که هوس وو ؟
که د چا ظالم د لاسه
خپل ناموس وو تا بائیللې ؟
یا بدل د چا د ظلم
پریخودل درته پیغور وو
یا د دین فرقے د پاره
ځان وژل په تا یو پور وو؟

زما خورې زما لورې
ځوانی مرګې او مجبورې

تا خو سترګې کړلې پټې
خو زما سترګې شوې ټیټې
په بیدیا باندې بربنډ پروت
ستا ټوټی ټوټی وجود دے
اندامونه د ښکاره دی
د وجودپرده د نشته
د حیا ستر د مات دے
ګل وجود د سخا نالئ کښ
وارث نه لرې میرات دے
ټول مخلوق د تماشه کړی
په اخبار کښې هم راغلې
بې حجابه ستا تصویر دے
افغانئ خودکشه پیغله
لیک ترې لاندې دا تحریر دے

زما خورې زما لورې
ځوانی مرګې او مجبورې

dera manana... der alaa... da me der khwash so...

[pekhawar]

Feroz lala, dera manana

[Feroz Afridi]

Manana de tolo

alaka pekhawara......pekhawar kho zama de majalay num ham dey.
Dair kha

[Admin Khan]

Wah Wah Feroza, Zma der kwash so. Dera manana.

[Feroz Afridi]

manana admin khana ...khush bash aussey

[AnGaaR]

da musafir poem za pasai wakheistum.. dair shaista dai qalamband karai da

[Feroz Afridi]

مننه انګار ګلابه
خوشحاله اوسې

[din]

salam .afridi sahb deer deer d d deer ph zarh pori shrona dy derh manana sta so dh zar aw zhmat ch kh manana.din

[Roshina]

دادعا زما دعا...شاعر فیروز افریدی

څوک مسافر مه کړے خپل کلے کور په وران مه کړے
عظیمه خدایه !!! ته بل څوک زما په شان مه کړے

ما د ژوندون لمحې په څومره لوئ قیمت اخیستی
څوک د سفر سودا کښ ما غوندې ارزان مه کړے

په څو څو لاکه شهیدانو یې وطن ګټلې
نور د افغان کور د غلیم د لاسه وران مه کړے

مونږ دخپل عشق په خاطر بیا سره یو ځائ کړے ربه
زۀ د جانان او نور جانان زما ارمان مه کړے

خدایه چه څوک هم د پښتون په کور کښ شر جوړوی
دا مې دعا ده چه یې خپل کورګې ودان مه کړے

YouTube - Dua de pukhton

Oh wow!!! Feroz Lala, this is such a touching and heartfelt dua! We're indeed blessed to have you here with us! Thank you for sharing it!