خوشې زندګي۔۔۔۔۔فيروز افريدي

[Feroz Afridi]

څــــومره ګرانه زندګي ده په دې خاوره
شپه او ورځ شرمندګي ده په دې خاوره

دا وطــن د زردارانـــــــــــــو مملکت دے
د غريب تشه نيستــي ده په دې خاوره

چې هــر وخت په د ګولــــو باران وريږي
د بمـــونو کاشت کاري ده په دې خـاوره


کوم افت دے چې په دې نه دے راغلے
د الله مهـرابانــــــي ده په دې خـــــاوره

راهنما پکښې پيدا نه شو فيروزه
چې دا څه رنګ بيماري ده په دې خاوره

[Feroz Afridi]

دلته چې څه کوې ګناه نيشته ثواب نيشته
څومره سرونه چې وهلې شې حساب نشته

خلک رڼا خوښوي مونږه د تيارو ملګري
زمونږ د برخې په آسمان باندې افتاب نيشته

خلک خلا ته والوتل ، ياران غارونو کښې پټ
پښتونه! ځار دې ستا د دې کمال ځــــواب نيشته

نه د جزا نه څوک خبر ،نه د حساب او کتاب
د خلکو زړونو کښې هيڅ خوف د احتساب نيشته

[Feroz Afridi]

ښۀ يم
نوې غزل..فيروز اپريدے


چې په ښۀ لګمه ښۀ يم
چې په نه لګمه نه يم

زه چې څه يمه په تا يم
بې له تانه به زه څه يم؟

ستا په ساه کښې زما ساه ده
ته چې نه ئې زه به نه يم


ستا دا مهر چې په ما وي
ستا د نوم سره به زه يم

چې د بل په غم کښې ژاړي
ټک د غم چاودلې زړه يم

په خطا لاره په نه ځم
چې په پل د ستا د پله يم


مسافر د کوره تللے
مرور د خپل کاله يم

ما رانيسه زما ياره
زه فيروز درنه په تله يم

[tor_khan]

فيروز جان - ستاسواجازه سره زه یونظم په خپل بلوګ کښی شامل کولی شم؟

[Feroz Afridi]

زما ټوله شاعري درځار شه۔
زما شاعري د خپل پښتون اولس او ژبې او خاورې له پاره ده۔
هر چا ته اجازت دے که څوک ئې وائي،ليکي يا خوندي کول ئې غواړي۔
زما هيڅ اعتراض په نشته۔
مننه تور جان

[tor_khan]

فيروز جان - ډیره ډیره مننه - په بلوګ کښی ستاسو نم به وسره اخلم - خداﺉ دي ټول عمر کامیاب لرې - امین