Tweet
څومره اومه، څومره نازکه خکاری
لکه شوکيس کښې چې نينزکه خکاری
زۀ لېونے مئن دَ خاؤرې يمه
پورته اسمان هم راته زمکه خکاری
بيا به دَ اور باران راښکے کړی پۀ مونږ
بيا پۀ فظا کښې اولوتکه خکاری
زمونږ دَ زوړ کلی درنه پښتنه
سپکه جامه کښې څومره سپکه خکاری
څوک پۀ همه نړۍ کښې نۀ ځائېږی
څوک پۀ خپل ذات کښې تر اټکه خکاری
ژوند به سا اخلی دَ نفرت غېږه کښې
مينه چې لاندې لۀ ټوپکه خکاری
تا پسې ګرځی دَ خپل ځان پۀ لټون
صادق چې کله بې درکه خکاری
Comment