Tweet
راحیل شریف له افغان چارواکو سره د سولې د پروسې د بیا پیلېدو پر لارو خبرې وکړې
تاند – د پاکستان د پوځ لوی درستیز جنرال راحیل شریف، چې په پاکستان کې د قدرت اصلي خاوند بلل کېږي، نن په کابل کې د افغانستان له ولسمشر او اجرايي ريیس سره د سولې پر بهیر خبرې وکړې.
راپورونه وايي چې جنرال شریف افغان چارواکو ته د سولې په بهیر کې د بشپړې همکارۍ ژمنه ورکړې ده.
په جنورۍ کې پر څلور اړخیزو خبرو سلا وشوه
د افغانستان له ولسمشر سره د پاکستان د لوی درستیز د خبرو د محتوا په اړه د ارګ په اعلامیه کې ویل شوي چې د ولسمشر غني او د پاکستان د لوی درستیز او ورسره ملګري پلاوي په خبرو کې د دواړو هېوادونو له خاورې څخه د ترهګرو د ازادانه فعالیتونو د مخنیوي په موثرو لارو چارو ټینګار وشو او د دواړو هېوادونو د خلکو تر منځ د تګ راتګ، په پاکستان کې د افغان کډوالو او قومونو د اړیکو د اړتیاو درک او درناوي ته په پام توافق وشو، چې دواړه هېوادونه دې اجازه نه ورکوي، چې ترهګر یې له خاورې څخه د تروریستي اعمالو او تاوتریخوالي د ترسره کولو لپاره ګټه واخلي.
د ارګ په خبرپاڼه کې وړاندې راغلي:
«دواړو لوریو موافقه وکړه، چې د طالبانو له هغو ډلو سره به د سولې او خبرو بهیر ته، چې مذاکرې او پخلاینې ته تیار دي ادامه ورکړي او هغه ډلې چې ترهګریزو فعالیتونو او تاوتریخوالي ته ادامه ورکوي له هغوی سره به د هغه چوکات له مخې چلند وشي، چې دواړه لوري پرې توافق وکړي.»
په دې کتنه کې دواړو لوریو توافق وکړ، چې سولې ته د رسېدو لپاره به د موجود څلور اړخیز چوکاټ له مخې د ګډو مسوولیتونو په درک کولو سره د افغانستان د حکومت په رهبري د سولې د بهیر ملاتړ وکړي.
دواړو لوریو موافقه وکړه، چې سولې ته د رسېدو په خاطر دې د غونډې د ګډونوالو د مشخصو مسوولیتونو په قید سره د یوې جامع لارې د نقشې د تدوین لپاره د ۲۰۱۶ کال په جنوري میاشت کې د افغانستان، پاکستان، امریکا متحده ایالاتو او چین د هېوادونو ترمنځ لومړنۍ څلور اړخیزه ناسته جوړه شي.
همدارنګه دواړو لوریو د اړیکو په ښه والي او باور جوړولو زیات ټینګار وکړ، څو له ګډو تهدیدونو سره د مقابلې او ښې همغږۍ لپاره دوه اړخیزې امنیتي غونډې زیاتې شي.
باوري سرچینې وايي چې دواړو خواوو د امنیت، سولې او تروریستي ضد هلوځلو په اړه خبرې کړي او راحیل شریف توانېدلی چې تر ډېره د افغان لورو باور ترلاسه کړي.
د افغانستان اجرايي ریاست د عبدالله عبدالله او راحیل شریف د کتنې په اړه ویلي چې:« په ملاقات کي د افغانستان او پاکستان پر ګډو موضوعاتو، د سولي د پروسې پر بیا پیل کېدو او له ترورستانو سره پر ګډي او صادقانه مبارزه باندي خبري وسوې.»
د اجرايي ریاست د خبرپاڼې په دوام کې ویل شوي:
«په دې لیدنه کي د سولې پروسې ته د نه حاضرېدونکو وسلوالو پر ضد د بدیلي حل لارې پر لټولو هم بحث وسو او موافقه وسوه، چي د ترورستي ډلو پر ضد مبارزه چټکه او قوي سي.»
راحیل شریف وروسته له دې کابل ته راغی چې د افغانستان ولسمشر محمد اشرف غني په وروستیو کې دوه ځلي په پاریس او اسلام اباد کې د پاکستان له صدراعظم محمد نوازشریف سره ولیدل.
په وروستیو کې پاکستان پر له پسې اصرار کوي چې د سولې لاره هوارولی شي او افغانستان دې د اسلام اباد منځګړتوب ومني.
راحیل شریف، چې د پاکستان تر صدراعظم او نورو ملکي چارواکو په بهرنۍ پالیسۍ کې د زیات واک خاوند دی، په وروستیو کې امریکا ته لاړ او له امریکايی چارواکو سره یې د افغانستان د سولې د بهیر په اړه اوږدې خبرې وکړې.
ویل شوي چې ده د اوباما اداره قانع کړه چې پر افغانستان فشار راوړي څو د پاکستان د سولې پر هلوځلو باور وکړي.
لوېدیځې رسنۍ وايي چې د امریکا، چین او پاکستان د فشار په نتیجه کې د افغانستان ولسمشر د سولې د پروسې بیا پیلولو ته حاضر شوی دی.
د افغانستان له ولسمشر او همداراز اجرايي رييس سره د پاکستاني پلاوي په خبرو کې د افغانستان د بهرنیو چارو وزیر، د ملي دفاع وزارت سرپرست، د ملي امنیت شورا سلاکار، د ملي امنیت د عمومي ریاست سرپرست، د هېواد لوی درستیز او ځینو نورو جګپوړو چارواکي حاضر ول.
راحیل شریف په داسي حال کې له افغان چارواکو سره وکتل چې دیپلوماتیکې سرچینې وايي، د سیمې د هیوادونو ترمنځ د امنیت د ښه کولو لپاره همکارۍ په زیاتېدو دي.
Leave a Reply
Your email address will not be published. Required fields are marked *
- Sunday, 27 December 2015 20:53
- خپرونکی: تاند
- تبصره ولیکئ
- Category: خبرونه
- permalink
-
خپروونکی: تاند http://taand.com
تاند – د پاکستان د پوځ لوی درستیز جنرال راحیل شریف، چې په پاکستان کې د قدرت اصلي خاوند بلل کېږي، نن په کابل کې د افغانستان له ولسمشر او اجرايي ريیس سره د سولې پر بهیر خبرې وکړې.
راپورونه وايي چې جنرال شریف افغان چارواکو ته د سولې په بهیر کې د بشپړې همکارۍ ژمنه ورکړې ده.
په جنورۍ کې پر څلور اړخیزو خبرو سلا وشوه
د افغانستان له ولسمشر سره د پاکستان د لوی درستیز د خبرو د محتوا په اړه د ارګ په اعلامیه کې ویل شوي چې د ولسمشر غني او د پاکستان د لوی درستیز او ورسره ملګري پلاوي په خبرو کې د دواړو هېوادونو له خاورې څخه د ترهګرو د ازادانه فعالیتونو د مخنیوي په موثرو لارو چارو ټینګار وشو او د دواړو هېوادونو د خلکو تر منځ د تګ راتګ، په پاکستان کې د افغان کډوالو او قومونو د اړیکو د اړتیاو درک او درناوي ته په پام توافق وشو، چې دواړه هېوادونه دې اجازه نه ورکوي، چې ترهګر یې له خاورې څخه د تروریستي اعمالو او تاوتریخوالي د ترسره کولو لپاره ګټه واخلي.
د ارګ په خبرپاڼه کې وړاندې راغلي:
«دواړو لوریو موافقه وکړه، چې د طالبانو له هغو ډلو سره به د سولې او خبرو بهیر ته، چې مذاکرې او پخلاینې ته تیار دي ادامه ورکړي او هغه ډلې چې ترهګریزو فعالیتونو او تاوتریخوالي ته ادامه ورکوي له هغوی سره به د هغه چوکات له مخې چلند وشي، چې دواړه لوري پرې توافق وکړي.»
په دې کتنه کې دواړو لوریو توافق وکړ، چې سولې ته د رسېدو لپاره به د موجود څلور اړخیز چوکاټ له مخې د ګډو مسوولیتونو په درک کولو سره د افغانستان د حکومت په رهبري د سولې د بهیر ملاتړ وکړي.
دواړو لوریو موافقه وکړه، چې سولې ته د رسېدو په خاطر دې د غونډې د ګډونوالو د مشخصو مسوولیتونو په قید سره د یوې جامع لارې د نقشې د تدوین لپاره د ۲۰۱۶ کال په جنوري میاشت کې د افغانستان، پاکستان، امریکا متحده ایالاتو او چین د هېوادونو ترمنځ لومړنۍ څلور اړخیزه ناسته جوړه شي.
همدارنګه دواړو لوریو د اړیکو په ښه والي او باور جوړولو زیات ټینګار وکړ، څو له ګډو تهدیدونو سره د مقابلې او ښې همغږۍ لپاره دوه اړخیزې امنیتي غونډې زیاتې شي.
باوري سرچینې وايي چې دواړو خواوو د امنیت، سولې او تروریستي ضد هلوځلو په اړه خبرې کړي او راحیل شریف توانېدلی چې تر ډېره د افغان لورو باور ترلاسه کړي.
د افغانستان اجرايي ریاست د عبدالله عبدالله او راحیل شریف د کتنې په اړه ویلي چې:« په ملاقات کي د افغانستان او پاکستان پر ګډو موضوعاتو، د سولي د پروسې پر بیا پیل کېدو او له ترورستانو سره پر ګډي او صادقانه مبارزه باندي خبري وسوې.»
د اجرايي ریاست د خبرپاڼې په دوام کې ویل شوي:
«په دې لیدنه کي د سولې پروسې ته د نه حاضرېدونکو وسلوالو پر ضد د بدیلي حل لارې پر لټولو هم بحث وسو او موافقه وسوه، چي د ترورستي ډلو پر ضد مبارزه چټکه او قوي سي.»
راحیل شریف وروسته له دې کابل ته راغی چې د افغانستان ولسمشر محمد اشرف غني په وروستیو کې دوه ځلي په پاریس او اسلام اباد کې د پاکستان له صدراعظم محمد نوازشریف سره ولیدل.
په وروستیو کې پاکستان پر له پسې اصرار کوي چې د سولې لاره هوارولی شي او افغانستان دې د اسلام اباد منځګړتوب ومني.
راحیل شریف، چې د پاکستان تر صدراعظم او نورو ملکي چارواکو په بهرنۍ پالیسۍ کې د زیات واک خاوند دی، په وروستیو کې امریکا ته لاړ او له امریکايی چارواکو سره یې د افغانستان د سولې د بهیر په اړه اوږدې خبرې وکړې.
ویل شوي چې ده د اوباما اداره قانع کړه چې پر افغانستان فشار راوړي څو د پاکستان د سولې پر هلوځلو باور وکړي.
لوېدیځې رسنۍ وايي چې د امریکا، چین او پاکستان د فشار په نتیجه کې د افغانستان ولسمشر د سولې د پروسې بیا پیلولو ته حاضر شوی دی.
د افغانستان له ولسمشر او همداراز اجرايي رييس سره د پاکستاني پلاوي په خبرو کې د افغانستان د بهرنیو چارو وزیر، د ملي دفاع وزارت سرپرست، د ملي امنیت شورا سلاکار، د ملي امنیت د عمومي ریاست سرپرست، د هېواد لوی درستیز او ځینو نورو جګپوړو چارواکي حاضر ول.راحیل شریف په داسي حال کې له افغان چارواکو سره وکتل چې دیپلوماتیکې سرچینې وايي، د سیمې د هیوادونو ترمنځ د امنیت د ښه کولو لپاره همکارۍ په زیاتېدو دي.
Leave a Reply
Your email address will not be published. Required fields are marked *