Tweet
http://www.taand.comخبرونهامریکايي سرپلټونکی وايي، د افغانستان حکومت ته ورکېدونکې مرستې ضایع کېږي
امریکايي سرپلټونکی وايي، د افغانستان حکومت ته ورکېدونکې مرستې ضایع کېږي
تاند- په افغانستان کې د امریکا پر بیارغونې د څارنې لپاره د خاص سرمفتش دفتر د افغانستان حکومت ته په مستقیم ډول د مرستو په موثریت کې شکونه راپورته کړل.
د نیویارک ټایمز ورځپاڼې د راپور له مخې د افغانستان حکومت ته په مستقیم ډول په ملیاردونو ډالر مرسته ورکول کېږي، امریکا درې کاله پخوا دوې نړیوالې خصوصي کمپنۍ وګومارلې چې معلومه کړي ایا د دغو پیسو په ساتلو او نه ضایع کولو کې پر افغانستان باور کېدای شي.
راپور وايي چې د دغو شرکتونو ځېړنه ډېره وحشتناکه وه او امریکايي چارواکو هڅه وکړه چې هغه محرم وساتي خو د افغانستان حکومت ته د پیسو ورکړې له دې سره سره دوام وکړ چې پلټونکو خبرداری ورکړل چې په شپاړس افغان وزیرانو کې پر یوه هم د پیسو د نه ضایع کېدو په اړه حساب نه شي کېدای.
خو د امریکا د بهرنیو چارو وزارت د سیګار یا د امریکا د بیارغونې د څارونکي سرپلټونکي راپور رد کړ.
نیویارک ټایمز ورځپاڼه وايي، د امریکا د بیارغونې د سرمفتش راپور ښايي له ولسمشر کرزي سره اختلاف وپاروي چې له څو کلونو راهیسي وايي د ولسمشر اوباما حکومت د ده د حکومت د کمزوره کولو لپاره هلې ځلې کوي.
ورځپاڼه وايي چې نن سبا ښاغلی کرزی امریکايي چارواکو ته چندان اهمیت نه ورکوي او د دوو هیوادونو د اړیکو خرابېدو له مخکې څخه افغانستان ته مرستې اغېزمن کړي دي.
کانګریس د روان مالي کال لپاره افغانستان ته انکشافي مرستې نیمايي ته رالږې کړي دي.
د ورځپاڼې په نظر د کانګریس دا اقدام د امریکا د متحدو ایالتونو په اړه د کرزي د توندو څرګندونو او د امنیتي موافقې د نه لاسلیکولو عکس العمل و.
د افغانستان د حکومت اکثره مصارف د لوېدیخو هیوادونو له لوري ورکول کېږي. د امریکا برخه بیا تر ټولو زیاته ده. واشنګټن په وروستیو کلونو د افغانستان حکومت ته په مستقیم ډول د مرستو ورکړه زیاته کړې ده او هغو پروګرامونو ته لږ پیسې ورکوي چې امریکايي مقامات یې اداره کوي.
د امریکا د ټولو مرستو اوس نیمايي د افغانستان حکومت ته ورکول کېږي او دا په افغانستان کې د باور وړ ملي حکومت د جوړولو په اړه د اوباما د ادارې د ستراتیژۍ اساس و.
د سرمفتش په راپور کې ویل شوي چې د افغانستان حکومت ته په مستقیم ډول د مرستو ورکولو د امریکا د پیسو د ضایع کېدو امکان زیات کړی دی.
امریکايي سرپلټونکی وايي، د افغانستان حکومت ته ورکېدونکې مرستې ضایع کېږي
تاند- په افغانستان کې د امریکا پر بیارغونې د څارنې لپاره د خاص سرمفتش دفتر د افغانستان حکومت ته په مستقیم ډول د مرستو په موثریت کې شکونه راپورته کړل.
د نیویارک ټایمز ورځپاڼې د راپور له مخې د افغانستان حکومت ته په مستقیم ډول په ملیاردونو ډالر مرسته ورکول کېږي، امریکا درې کاله پخوا دوې نړیوالې خصوصي کمپنۍ وګومارلې چې معلومه کړي ایا د دغو پیسو په ساتلو او نه ضایع کولو کې پر افغانستان باور کېدای شي.
راپور وايي چې د دغو شرکتونو ځېړنه ډېره وحشتناکه وه او امریکايي چارواکو هڅه وکړه چې هغه محرم وساتي خو د افغانستان حکومت ته د پیسو ورکړې له دې سره سره دوام وکړ چې پلټونکو خبرداری ورکړل چې په شپاړس افغان وزیرانو کې پر یوه هم د پیسو د نه ضایع کېدو په اړه حساب نه شي کېدای.
خو د امریکا د بهرنیو چارو وزارت د سیګار یا د امریکا د بیارغونې د څارونکي سرپلټونکي راپور رد کړ.
نیویارک ټایمز ورځپاڼه وايي، د امریکا د بیارغونې د سرمفتش راپور ښايي له ولسمشر کرزي سره اختلاف وپاروي چې له څو کلونو راهیسي وايي د ولسمشر اوباما حکومت د ده د حکومت د کمزوره کولو لپاره هلې ځلې کوي.
ورځپاڼه وايي چې نن سبا ښاغلی کرزی امریکايي چارواکو ته چندان اهمیت نه ورکوي او د دوو هیوادونو د اړیکو خرابېدو له مخکې څخه افغانستان ته مرستې اغېزمن کړي دي.
کانګریس د روان مالي کال لپاره افغانستان ته انکشافي مرستې نیمايي ته رالږې کړي دي.
د ورځپاڼې په نظر د کانګریس دا اقدام د امریکا د متحدو ایالتونو په اړه د کرزي د توندو څرګندونو او د امنیتي موافقې د نه لاسلیکولو عکس العمل و.
د افغانستان د حکومت اکثره مصارف د لوېدیخو هیوادونو له لوري ورکول کېږي. د امریکا برخه بیا تر ټولو زیاته ده. واشنګټن په وروستیو کلونو د افغانستان حکومت ته په مستقیم ډول د مرستو ورکړه زیاته کړې ده او هغو پروګرامونو ته لږ پیسې ورکوي چې امریکايي مقامات یې اداره کوي.
د امریکا د ټولو مرستو اوس نیمايي د افغانستان حکومت ته ورکول کېږي او دا په افغانستان کې د باور وړ ملي حکومت د جوړولو په اړه د اوباما د ادارې د ستراتیژۍ اساس و.
د سرمفتش په راپور کې ویل شوي چې د افغانستان حکومت ته په مستقیم ډول د مرستو ورکولو د امریکا د پیسو د ضایع کېدو امکان زیات کړی دی.