Tweet
http://www.taand.comخبرونهجیلیل جیلاني: پاکستان نه غواړي چې امریکايي پوځیان ووځي
جیلیل جیلاني: پاکستان نه غواړي چې امریکايي پوځیان ووځي
تاند- په واشنګټن کې د پاکستان سفیر وايي، اسلام اباد نه غواړي چې ټول امریکايي پوځیان له افغانستانه ووځي.
په امریکا کې د پاکستان نوي سفیر جلیل عباس جیلاني پرون وویل:«حتي له افغانستانه د امریکايی پوځیانو د وتلو په باب خبرو هم منفي اغېز کړی دی، پاکستان مخکې تر مخکې د نورو افغان مهاجرو د راتګ په اړه غور پیل کړی دی او د دې معنا دا ده چې د افغانستان خلک هم وېره لري.»
جیلاني چې له تېرو څو کلونو راهیسي د پاکستان د بهرنیو چارو وزارت مرستیال او عملاً د بهرنیو چارو وزیر و، له دیارلسو کلونو وروسته لومړنی مسلکي دیپلومات دی چې په واشنګټن کې د پاکستان سفیر ټاکل کېږي.
ټاکل شوې ده چې امریکا د سږ کال په پای کې له افغانستانه ټول محارب پوځیان وباسي خو که له افغانستان سره امنیتي موافقه لاسلیک کړي، یو شمېر پوځیان به پرېږدي چې د افغان امنیتي ځواکونو روزنې ته دوام ورکړي.
جیلاني وویل، په واشنګټن کې د خپل ماموریت په لړ کې به لومړیتوب دې ته ورکړي چې د نړۍ له اقتصادي زبرځواک (امریکا) سره اقتصادي او سوداګري اړیکې پراخې کړي.
ده وویل:«څرګنده ده چې دفاعي او امنیتي اړیکې هم همدومره مهمې دي خو د انرژۍ په برخه کې همکارۍ به مهمه چاره وي چې باید ورته پاملرنه وشي.»
جلیل جیلاني له هند سره د پاکستان د اړیکو په باب وویل:«هند ته پکار دي چې د نوازشریف له هغې دلچسپۍ څخه استفاده وکړي چې له هند سره یې د اړیکو ښه کېدو ته لري کنې دا ښه چانس به له لاسه ورکړي.»
ده تاکید وکاوه چې ښاغلی شریف له هند سره د اړیکو ښه کولو ته د زړه له کومې لېوالتیا لري.
پاکستان ادعا کوي چې هند د افغانستان له خاورې څخه په بلوچستان کې ناکراریو ته لمن وهي خو هند او افغانستان د پاکستان تور ردوي.
جیلیل جیلاني: پاکستان نه غواړي چې امریکايي پوځیان ووځي
- Thursday, 2 January 2014 9:01
- لیکنه: تاند
- تبصره ولیکئ
تاند- په واشنګټن کې د پاکستان سفیر وايي، اسلام اباد نه غواړي چې ټول امریکايي پوځیان له افغانستانه ووځي.
په امریکا کې د پاکستان نوي سفیر جلیل عباس جیلاني پرون وویل:«حتي له افغانستانه د امریکايی پوځیانو د وتلو په باب خبرو هم منفي اغېز کړی دی، پاکستان مخکې تر مخکې د نورو افغان مهاجرو د راتګ په اړه غور پیل کړی دی او د دې معنا دا ده چې د افغانستان خلک هم وېره لري.»
جیلاني چې له تېرو څو کلونو راهیسي د پاکستان د بهرنیو چارو وزارت مرستیال او عملاً د بهرنیو چارو وزیر و، له دیارلسو کلونو وروسته لومړنی مسلکي دیپلومات دی چې په واشنګټن کې د پاکستان سفیر ټاکل کېږي.
ټاکل شوې ده چې امریکا د سږ کال په پای کې له افغانستانه ټول محارب پوځیان وباسي خو که له افغانستان سره امنیتي موافقه لاسلیک کړي، یو شمېر پوځیان به پرېږدي چې د افغان امنیتي ځواکونو روزنې ته دوام ورکړي.
جیلاني وویل، په واشنګټن کې د خپل ماموریت په لړ کې به لومړیتوب دې ته ورکړي چې د نړۍ له اقتصادي زبرځواک (امریکا) سره اقتصادي او سوداګري اړیکې پراخې کړي.
ده وویل:«څرګنده ده چې دفاعي او امنیتي اړیکې هم همدومره مهمې دي خو د انرژۍ په برخه کې همکارۍ به مهمه چاره وي چې باید ورته پاملرنه وشي.»
جلیل جیلاني له هند سره د پاکستان د اړیکو په باب وویل:«هند ته پکار دي چې د نوازشریف له هغې دلچسپۍ څخه استفاده وکړي چې له هند سره یې د اړیکو ښه کېدو ته لري کنې دا ښه چانس به له لاسه ورکړي.»
ده تاکید وکاوه چې ښاغلی شریف له هند سره د اړیکو ښه کولو ته د زړه له کومې لېوالتیا لري.
پاکستان ادعا کوي چې هند د افغانستان له خاورې څخه په بلوچستان کې ناکراریو ته لمن وهي خو هند او افغانستان د پاکستان تور ردوي.