Tweet
سپینه ماڼۍ وايي، نور له افغانستان سره پر امنیتي موافقه خبرې نه کوي
Tuesday, 26 November 2013 20:58 لیکنه: تاند 3 تبصرې
Rice
څانګې خبرونه
اصلي لینک
خپروونکی: تاند
www.taand.com -
تاند- سپینې ماڼۍ هم خبرداری ورکړ چې که د افغانستان ولسمشر حامد کرزي امنیتي موافقه ژر لاسلیک نه کړه امریکا به له افغانستانه ټول پوځیان وباسي.
د سپینې ماڼۍ په وینا د افغانستان له ولسمشر حامد کرزي سره د متحدو ایالتونو د ملي امنیت د سلاکارې سوزن رايیس خبرې د امنیتي موافقې په اړه د امریکا وروستۍ خبرې دي او نور به په دې هکله له افغان چارواکو سره خبرې ونه کړي.
لوېدیځو رسنیو وویل چې د امریکا د ملي امنیت سلاکارې د افغانستان له ولسمشر حامد کرزي سره د کتنې په وروستیو شېبو کې خبرداری ورکړ چې که امنیتي تړون ژر لاسلیک نه کړي امریکا له افغانستانه خپل ټول پوځیان باسي.
راپورونه وايي چې کرزي مېرمن رايیس ته ډاډ ورکړ چې امنیتي موافقه به لاسلیک کړي خو ویې نه ویل چې کله به یې لاسلیک کړي.
په همدې منځ کې د افغانستان د ولسمشر ویندوی وايي چې متحدو ایالتونو د شفافو انتخاباتو او په ټاکنو کې د هیڅ کاندید د نه ملاتړ په باب د ولسمشر کرزي غوښتنې ته مثبت ځواب ویلی خو د افغانانو د کورونو د تلاشۍ په اړه لا هم دواړه خواوې د نظر اختلاف لري.
مشورتي لویې جرګې په استثنايي حالاتو کې، چې د امریکايي پوځیانو سر ته خطر پېښ وي، د بهرنیو پوځیانو له لوري د کورونو تلاشي تایید کړې ده. خو کرزی لا هم وايي چې نه به امریکايي پوځیان د افغانانو کورونه تلاشي کوي او نه به نور په افغانستان کې پوځي عملیات کوي.
مشورتي لویې جرګې، چې د یکشنبې په ورځ پای ته ورسېده، له ولسمشر کرزي څخه غوښتي چې د افغانستان او امریکا دوه اړخیزه امنیتي موافقه د روان میلادي کال تر پای ته رسېدو مخکې لاسلیک کړي.
د سپینې ماڼۍ له یوې اعلامیې سره سم مېرمن راييس افغان ولسمشر حامد کرزي ته وویل:«که امنیتي موافقه ژر لاسلیک نه کړي، امریکا ته به د ځواکونو له ایستلو پرته بل انتخاب پاتې نه شي ځکه چې بیا له ۲۰۱۴ وروسته وخت لپاره پلان نه شي جوړولی او په نتیجه کې به یې متحد ایالتونه او ناټو خپل حضور په افغانستان کې پای ته ورسوي.»
په اعلامیه کې همداراز ویل شوي:«مېرمن راییس په دې تاکید وکاوه چې د راتلونکي کال له انتخاباتو وروسته وخت ته د لاسلیک ځنډول ګټه نه لري.»
سپینې ماڼۍ ویلي چې کرزي امریکا ته نوي شرطونه ایښي چې یو یې د افغانانو د کورونو د نه تلاشي کولو په اړه دی او بل دا دی چې امریکا دې له طالبانو سره د سولې خبرې پیل کړي.
کرزي د ګوانتنامو له محبسه د افغانانو د خلاصون غوښتنه هم کړې ده.
د امریکا د ملي امنیت سلاکارې وویل، هیواد یې په افغانستان کې شفافو، عمومي، له هرراز مداخلې پرته له خپلې قانوني پروسې سره سم په خپل وخت انتخاباتو ته ژمن دی.
Tuesday, 26 November 2013 20:58 لیکنه: تاند 3 تبصرې
Rice
څانګې خبرونه
اصلي لینک
خپروونکی: تاند
www.taand.com -
تاند- سپینې ماڼۍ هم خبرداری ورکړ چې که د افغانستان ولسمشر حامد کرزي امنیتي موافقه ژر لاسلیک نه کړه امریکا به له افغانستانه ټول پوځیان وباسي.
د سپینې ماڼۍ په وینا د افغانستان له ولسمشر حامد کرزي سره د متحدو ایالتونو د ملي امنیت د سلاکارې سوزن رايیس خبرې د امنیتي موافقې په اړه د امریکا وروستۍ خبرې دي او نور به په دې هکله له افغان چارواکو سره خبرې ونه کړي.
لوېدیځو رسنیو وویل چې د امریکا د ملي امنیت سلاکارې د افغانستان له ولسمشر حامد کرزي سره د کتنې په وروستیو شېبو کې خبرداری ورکړ چې که امنیتي تړون ژر لاسلیک نه کړي امریکا له افغانستانه خپل ټول پوځیان باسي.
راپورونه وايي چې کرزي مېرمن رايیس ته ډاډ ورکړ چې امنیتي موافقه به لاسلیک کړي خو ویې نه ویل چې کله به یې لاسلیک کړي.
په همدې منځ کې د افغانستان د ولسمشر ویندوی وايي چې متحدو ایالتونو د شفافو انتخاباتو او په ټاکنو کې د هیڅ کاندید د نه ملاتړ په باب د ولسمشر کرزي غوښتنې ته مثبت ځواب ویلی خو د افغانانو د کورونو د تلاشۍ په اړه لا هم دواړه خواوې د نظر اختلاف لري.
مشورتي لویې جرګې په استثنايي حالاتو کې، چې د امریکايي پوځیانو سر ته خطر پېښ وي، د بهرنیو پوځیانو له لوري د کورونو تلاشي تایید کړې ده. خو کرزی لا هم وايي چې نه به امریکايي پوځیان د افغانانو کورونه تلاشي کوي او نه به نور په افغانستان کې پوځي عملیات کوي.
مشورتي لویې جرګې، چې د یکشنبې په ورځ پای ته ورسېده، له ولسمشر کرزي څخه غوښتي چې د افغانستان او امریکا دوه اړخیزه امنیتي موافقه د روان میلادي کال تر پای ته رسېدو مخکې لاسلیک کړي.
د سپینې ماڼۍ له یوې اعلامیې سره سم مېرمن راييس افغان ولسمشر حامد کرزي ته وویل:«که امنیتي موافقه ژر لاسلیک نه کړي، امریکا ته به د ځواکونو له ایستلو پرته بل انتخاب پاتې نه شي ځکه چې بیا له ۲۰۱۴ وروسته وخت لپاره پلان نه شي جوړولی او په نتیجه کې به یې متحد ایالتونه او ناټو خپل حضور په افغانستان کې پای ته ورسوي.»
په اعلامیه کې همداراز ویل شوي:«مېرمن راییس په دې تاکید وکاوه چې د راتلونکي کال له انتخاباتو وروسته وخت ته د لاسلیک ځنډول ګټه نه لري.»
سپینې ماڼۍ ویلي چې کرزي امریکا ته نوي شرطونه ایښي چې یو یې د افغانانو د کورونو د نه تلاشي کولو په اړه دی او بل دا دی چې امریکا دې له طالبانو سره د سولې خبرې پیل کړي.
کرزي د ګوانتنامو له محبسه د افغانانو د خلاصون غوښتنه هم کړې ده.
د امریکا د ملي امنیت سلاکارې وویل، هیواد یې په افغانستان کې شفافو، عمومي، له هرراز مداخلې پرته له خپلې قانوني پروسې سره سم په خپل وخت انتخاباتو ته ژمن دی.