Tweet
www.taand.comخبرونهتراوسه هیچا رسماً ولسمشرۍ ته ځان نه دی کاندید کړی – احتمالي کاندیدان څوک دي؟
تراوسه هیچا رسماً ولسمشرۍ ته ځان نه دی کاندید کړی – احتمالي کاندیدان څوک دي؟
تاند- په داسي حال کې چې پرون /دوشنبه/ د افغانستان د ولسمشرۍ او ولایتي شوراګانو د انتخاباتو د کاندیدانو د نوم لیکنې بهیر رسماً پیل شو، د ټولټاکنو د خپلواک کمیسون ویندوی وايي چې د ولسمشرۍ لپاره هیچا ځان نه دی نومولی.
د افغانستان د انتخاباتو له نوي قانون سره سم هغه کسان د ولسمشرۍ لپاره ځانونه نومولی شي چې د یو لک تنو پلویانو د رای ورکولو کارتونه د ټولټاکنو کمیسون ته ښکاره کړي او یو ملیون افغانۍ د ضمانت په توګه دې کمیسون ته وسپاري.
که د ولسمشرۍ کوم کاندید د ټولو رایو په سلو کې ۱۰ ترلاسه نه کړای شوې، ضمانت یې ضبط کېږي.
د ولایتي شوراګانو لپاره هر کاندید باید د ټولټاکنو خپلواک کمیسون ته ۲۰ زره افغانۍ ضمانت ورکړي.
د انتخاباتو د خيپلواک کمیسون د ویندی نور محمد نور په وینا د کاندیدانو د نوم لیکنې بهیر، چې د دوشنبې په ورځ پیل شو، د راتلونکې میزان(تلې) تر ۱۴ مې پوري دوام کوي.
د ښاغلي نور په وینا تراوسه پوري د ولسمشرۍ د انتخاباتو لپاره ۲۹ تنو پکیجونه یا د نوم ثبتونې فورمې اخیستي دي. ده همداراز ویلي چې ۱۱۲۴ تنو نورو ولایتي شوراکانو ته د ځانونو د کاندیدولو لپاره فورمې ترلاسه کړي دي.
که څه هم د ولسمشرۍ لپاره تردې دمه هیچا رسماً ځان نه دی کاندید کړی خو د ولسمشرۍ د تېرې دورې کاندید عبدالله عبدالله، اشرف غني احمدزی، زلمی رسول، د ملي جبهې مشر احمد ضیا مسعود، د حق او عدالت ګوند حنیف اتمر، د بلخ والي عطا نور، عبدالرب رسول سیاف، د افغانستان د خلکو د وحدت ګوند مشر محمد محقق، د پوهنې وزیر فاروق وردک او د دفاع پخوانی وزیر عبدالرحیم وردک هغه کسان دي چې ګومان کېږي ځانونه کاندیدوي.
د دغو کسانو په منځ کې زلمی رسول هغه کس دی چې د کاندیدېدا خبر یې ولسمشر کرزي د بشکیک په سفر کې په غیرمستقیم ډول اعلان کړ. کرزي وویل چې یو له څلورو کاندیدانو څخه له ده سره په دې سفر کې ملګری دی او په تالار کې ناست دی.
تراوسه هیچا رسماً ولسمشرۍ ته ځان نه دی کاندید کړی – احتمالي کاندیدان څوک دي؟
- Tuesday, 17 September 2013 0:54
- لیکنه: تاند
- تبصره ولیکئ
تاند- په داسي حال کې چې پرون /دوشنبه/ د افغانستان د ولسمشرۍ او ولایتي شوراګانو د انتخاباتو د کاندیدانو د نوم لیکنې بهیر رسماً پیل شو، د ټولټاکنو د خپلواک کمیسون ویندوی وايي چې د ولسمشرۍ لپاره هیچا ځان نه دی نومولی.
د افغانستان د انتخاباتو له نوي قانون سره سم هغه کسان د ولسمشرۍ لپاره ځانونه نومولی شي چې د یو لک تنو پلویانو د رای ورکولو کارتونه د ټولټاکنو کمیسون ته ښکاره کړي او یو ملیون افغانۍ د ضمانت په توګه دې کمیسون ته وسپاري.
که د ولسمشرۍ کوم کاندید د ټولو رایو په سلو کې ۱۰ ترلاسه نه کړای شوې، ضمانت یې ضبط کېږي.
د ولایتي شوراګانو لپاره هر کاندید باید د ټولټاکنو خپلواک کمیسون ته ۲۰ زره افغانۍ ضمانت ورکړي.
د انتخاباتو د خيپلواک کمیسون د ویندی نور محمد نور په وینا د کاندیدانو د نوم لیکنې بهیر، چې د دوشنبې په ورځ پیل شو، د راتلونکې میزان(تلې) تر ۱۴ مې پوري دوام کوي.
د ښاغلي نور په وینا تراوسه پوري د ولسمشرۍ د انتخاباتو لپاره ۲۹ تنو پکیجونه یا د نوم ثبتونې فورمې اخیستي دي. ده همداراز ویلي چې ۱۱۲۴ تنو نورو ولایتي شوراکانو ته د ځانونو د کاندیدولو لپاره فورمې ترلاسه کړي دي.
که څه هم د ولسمشرۍ لپاره تردې دمه هیچا رسماً ځان نه دی کاندید کړی خو د ولسمشرۍ د تېرې دورې کاندید عبدالله عبدالله، اشرف غني احمدزی، زلمی رسول، د ملي جبهې مشر احمد ضیا مسعود، د حق او عدالت ګوند حنیف اتمر، د بلخ والي عطا نور، عبدالرب رسول سیاف، د افغانستان د خلکو د وحدت ګوند مشر محمد محقق، د پوهنې وزیر فاروق وردک او د دفاع پخوانی وزیر عبدالرحیم وردک هغه کسان دي چې ګومان کېږي ځانونه کاندیدوي.
د دغو کسانو په منځ کې زلمی رسول هغه کس دی چې د کاندیدېدا خبر یې ولسمشر کرزي د بشکیک په سفر کې په غیرمستقیم ډول اعلان کړ. کرزي وویل چې یو له څلورو کاندیدانو څخه له ده سره په دې سفر کې ملګری دی او په تالار کې ناست دی.