Tweet
اډیوکسټ، فرض او واجب
| چهارشنبه, 30.01.2013, 12:09 PM | (111 لیدل شوی)
-د داسې استهزا (استيضاح) څه ګټه. ...؟-د کومې استهزا. ...
-لکه دا زموږ. ...
-څنګه بې ګټې. ...؟
-عدالت او انصاف تر پښو لاندې شو.
-پوه نشوم. ...
-چې استهزا شو، چې بې باوره کړای شو، رتبه يې نوره هم لوړه شوه.
-ځينو پنځه ګوتې خولې ته کړې، ځينو لږ وخوړه، ځينو ډېره، ځينې. ... ((هاها))
-د بې عدالتۍ خبره نه ده، حصه بقدر جثه.
-استهزا ته يې لار برابره کړه، زموږ لپاره يې يو تسلسل رامنځته کړ.
-دا خو دموکراسي نشوه، اسلام د مساوات دين دی، دموکراسي پر برابرۍ ولاړه ده.
-دموکراسي اکثريت ته ګوري.
-دلته يې اقليت وړي.
-اوس څوک اکثريت، اقليت ته نه ګوري، زور، زور دی، دلته دموکراسي، شريعت، کمونېزم ټول په زور راغلي په زور تللي.
-مهم وېش دی، د وېش، تله کاڼی دی، دلته د هر چا خپله تله، خپل کاڼی دی، چې تله د چا په لاس کې ده، چې کاڼی له چا سره دی، هماغه برخې ټاکې.
-استهزا داسې شی دی چې که وشي که ونشي ګټه يې څرګنده ده.
-څرګنده نه، نغده ده.
-خو سيد مذموم ظنين په چل ځان خلاص کړ.
-امير صاحب مفته وخوړه. ...
-ظنين ښه و، ملمستياوې، سوغاتونه يې غوړ وو. ...
-امير صاحب بدماشي کوله.
-بدماشي يې ونه چلېده.
-اخر يې سر پر خط کېښوده.
-څرنګه به يې نه اېښود.
-د ګوډي لار پر ژرنده ده.
-خو خوند يې ونګړ.
-وخت کم و.
-څه کم و. ...؟
-ولسمشر پکې راودنګل.
-ده همېشه خرابه کړې.
-ولسمشر خو د ظنين مامله کې هم خواري وکړه.
-خو دلته ځان، بېخي خولې کړ.
-جنرال لحيم پکې ولاړ. ....
-وردګ پور نلري. ...
-غلام الله عليل نه یادوې؟
-له استهزا وړاندې ډوب شو- ډز يې پر هيلۍ وکړ، غول د کارغه ولاړل.
-جنرال روفي دې هېر شو. ...؟
-وردګان د برطرفۍ لپاره په دندو لګېږي.
-(...) ځان ټينګ کړئ.
-... . هوښياره مرغۍ له غبرګو پښو لومه کې نښلي.
-شحيم ذيغم ځان بېغمه کړ.
-دده جثه بقدرحصه . ...
-له جنرال لحيم سره زياتی وشو.
-څه زياتی. ...؟
-شريف سړی و، که نه. ...
-پر جيب يې لاس نيولی و، چې جيب ساتي خاورې به وکړي ديدنونه.
-دا يې هم کولای شوای.
-خو ويې نکړل.
-شرافت يې و.
-ته سختې سوګتې ته شرافت وايې - نه دې دي اورېدلي: مال تر سره ځار، سر تر ناموس.
-د امريکا سفارت يو تلفون کافي شافي و.
-هغه خو و. ...
- د ولسمشرۍ غونډو کې لحيم، شحيم او عليل هماغسې ببر ناست وي.
-په خوند يې نه، په خرپ يې دي. ...
-تېر په هېر- اينده ته فکر کوئ.
-په فکر نه کېږي، د پلان، پاليسۍ، ستراتيژۍ او تاکتيک اړتيا ده.
-درېغه واليان هم استهزا کېدای شوای. ...؟
-په واليانو څه کوې. ...؟
-والي له وزير غوړه ګوله ده.
-څرنګه. ...؟
-د ډېری واليانو عاېدات له وزيرانو لوړ دي.
-د سرو داسې نورې مرغۍ هم شته.
-لکه. ...؟
-سلاکار وزيران.
- مفته يې وخوړه.
-خو که ولسمشر. ...
-دا وړه خبره ده.
-وړه نه ده، زموږ پر اوږه خپل ټوپک چلوي. ...
-تر کاسه لاندې نيم کاسه - هم يې زړه کېږي هم يې ساړه.
-بودجه کې يې زموږ ونه منله.
-ته مې وزې وهه زه به دې روژې.
-ځکه خو راتلونکې ته د پلان، تاکتيک، ستراتيژي اړتيا ده.
-چې وخت بېخي کم دی.
-تا د پلان او ستراتيژۍ وويل.
-هو!
-خبره کوه.
-دا چې نور پر يو دوو نه کېږي - درجن، درجن.
-دا څو ترې باسه خوار پړک دي. ...
-په يوه وار يوولس دوولس. ...
-امکان لري. ...؟
-پيريانو ته غزنی څه دی.
-دا خو ده.
-خو وخت کم دی مقابله سخته. ...
-دا ځل د بودجې د لګښت له اړې ځان نشي ژغورلی. ...
-څو وزارتونه دې لست کې راځي. ...؟
-تور لست کې. ...؟
-هاها (خندا) لس دوولس.
- بشپړ پکېج دی.
-ښه ده چې بودجه يې نه ده لګولې.
-په دې بايد ستایل شوي وای.
-خو زموږ خپل مجبوريت دی. ...؟
-دا ته څه وايې. ...
-بجټ، سپما يې کړي. ...؟
-د ډېرو رزق يې په لته وهلی.
-د تا خوله پټه ښه ده. ...
-وايي، څلور ترې منفي کړي، که وکيلان په دوو ډلو ووېشل شي؟
-په دې به څه کوو. ...
-دا زموږ په ګټه ده، د ستراتيژۍ برخه ده.
-ډله يوه ده چې پر دوو برخو وېشل شوې - نه جنګسالار شته، نه مجاهد، کمونېست، نه د ژبې خبره، نه د سيمې، هدف يو دی.
-خبره اوږده نشوه.
-څومره چې اوږدېږي، قيمت لوړېږي.
-ميډيا د درز او اختلاف خبرې کوي.
-درز مرز- اختلاف مختلاف - بحران محران نشته، دا هر څه د لوبې برخه ده. ...
-که جمع وي که منفي خو چې نرخ خراب نشي، د مارکېټ خيال وساتل شي.
-يوه بله لار هم شته.
-کومه لار؟
-چې زړې دوسيې راواخلو.
-کومې دوسيې. ...؟
-لکه د ځمکو د غصب. ...
-دا خو د څارنوالۍ، قضا کار دی.
-قضا، څارنوالي په څه کې ده، موږ يواځې د خطر زنګ وهو. ...
-هغه څنګه. ...؟
-چې د غاصبينو شمېر وښيو، نومونه يې وانخلو.
-دا به څوتنه وي. ...؟
-دمګړۍ يو درجن نغد کابل کې.
-زموږ يې هم د کابل په کار دي.
-خو لږ په کرار، العجله من الشيطان.
-ته وايې له رخصتيو وروسته.
-نه رخصتيو کې.
- څرنګه؟
-دا چارې د رخصتيو دي، د چڼه وهلو.
-اوس يې قيمت لګوه.
-د سړي سر څو. ...؟
-د وزيرانو پنځوس زره.
-پنځوس څه.
-ډالر، څه. ...
-ما وې که افغانۍ ښيې؟
-په افغانيو څه کېږي. ...
-د ځمکو هغه. ...
-له هغوی سره لږ احتياط. ...
-دا ولې. ...؟
- خورا خطرناک مخلوق دی.
-پر موږ د چا زهر نه چلېږي.
-د دوی منتر، اوده سخته ده، څيله به لګوې، جوګ به پخوې. ... د اړې به يې باسې.
-د دواړو ايستو خبره پرېږده.
-پوه نشوم.
-چې د اړې دې وايستی، ګويا دا مارکېټ دې وتاړه، بزنس دې ختم کړ.
-رښتيا دې وويل، چې ټول کار پر دوې روان دی.
-د دوی کار هم پر موږ چلېږي.
-د مخ او استر خبره ده.
-د دوی خونديتوب پر موږ فرض دی.
-زموږ ناز پر دوی واجب دی.
»»»
اډيو کې ځينې ټکي داسې دي چې سم نشوای اورېدای، موږ د سياق او سباق له مخې د هغو ټکو د سم تلفظ او ليک هڅه کړی - بيا هم ځينې ټکي داسې دي چې قاموسونو، ډکشينريو کې يې مانا ونشوای موندای - د ځينو هغه مانا دلته را اخلو:
لحيم = غوښن، هډور
شحيم = چاغ، چې وازده يې ډېره وي، پړسېدلی.
مذموم = رټلی، غندلی.
عليل = ناروغ، نيمګړی.
له محور ورځپاڼې په منننې.
له محور ورځپاڼې په منننې.
اډیوکسټ، فرض او واجب
| چهارشنبه, 30.01.2013, 12:09 PM | (111 لیدل شوی)
-د داسې استهزا (استيضاح) څه ګټه. ...؟-د کومې استهزا. ...
-لکه دا زموږ. ...
-څنګه بې ګټې. ...؟
-عدالت او انصاف تر پښو لاندې شو.
-پوه نشوم. ...
-چې استهزا شو، چې بې باوره کړای شو، رتبه يې نوره هم لوړه شوه.
-ځينو پنځه ګوتې خولې ته کړې، ځينو لږ وخوړه، ځينو ډېره، ځينې. ... ((هاها))
-د بې عدالتۍ خبره نه ده، حصه بقدر جثه.
-استهزا ته يې لار برابره کړه، زموږ لپاره يې يو تسلسل رامنځته کړ.
-دا خو دموکراسي نشوه، اسلام د مساوات دين دی، دموکراسي پر برابرۍ ولاړه ده.
-دموکراسي اکثريت ته ګوري.
-دلته يې اقليت وړي.
-اوس څوک اکثريت، اقليت ته نه ګوري، زور، زور دی، دلته دموکراسي، شريعت، کمونېزم ټول په زور راغلي په زور تللي.
-مهم وېش دی، د وېش، تله کاڼی دی، دلته د هر چا خپله تله، خپل کاڼی دی، چې تله د چا په لاس کې ده، چې کاڼی له چا سره دی، هماغه برخې ټاکې.
-استهزا داسې شی دی چې که وشي که ونشي ګټه يې څرګنده ده.
-څرګنده نه، نغده ده.
-خو سيد مذموم ظنين په چل ځان خلاص کړ.
-امير صاحب مفته وخوړه. ...
-ظنين ښه و، ملمستياوې، سوغاتونه يې غوړ وو. ...
-امير صاحب بدماشي کوله.
-بدماشي يې ونه چلېده.
-اخر يې سر پر خط کېښوده.
-څرنګه به يې نه اېښود.
-د ګوډي لار پر ژرنده ده.
-خو خوند يې ونګړ.
-وخت کم و.
-څه کم و. ...؟
-ولسمشر پکې راودنګل.
-ده همېشه خرابه کړې.
-ولسمشر خو د ظنين مامله کې هم خواري وکړه.
-خو دلته ځان، بېخي خولې کړ.
-جنرال لحيم پکې ولاړ. ....
-وردګ پور نلري. ...
-غلام الله عليل نه یادوې؟
-له استهزا وړاندې ډوب شو- ډز يې پر هيلۍ وکړ، غول د کارغه ولاړل.
-جنرال روفي دې هېر شو. ...؟
-وردګان د برطرفۍ لپاره په دندو لګېږي.
-(...) ځان ټينګ کړئ.
-... . هوښياره مرغۍ له غبرګو پښو لومه کې نښلي.
-شحيم ذيغم ځان بېغمه کړ.
-دده جثه بقدرحصه . ...
-له جنرال لحيم سره زياتی وشو.
-څه زياتی. ...؟
-شريف سړی و، که نه. ...
-پر جيب يې لاس نيولی و، چې جيب ساتي خاورې به وکړي ديدنونه.
-دا يې هم کولای شوای.
-خو ويې نکړل.
-شرافت يې و.
-ته سختې سوګتې ته شرافت وايې - نه دې دي اورېدلي: مال تر سره ځار، سر تر ناموس.
-د امريکا سفارت يو تلفون کافي شافي و.
-هغه خو و. ...
- د ولسمشرۍ غونډو کې لحيم، شحيم او عليل هماغسې ببر ناست وي.
-په خوند يې نه، په خرپ يې دي. ...
-تېر په هېر- اينده ته فکر کوئ.
-په فکر نه کېږي، د پلان، پاليسۍ، ستراتيژۍ او تاکتيک اړتيا ده.
-درېغه واليان هم استهزا کېدای شوای. ...؟
-په واليانو څه کوې. ...؟
-والي له وزير غوړه ګوله ده.
-څرنګه. ...؟
-د ډېری واليانو عاېدات له وزيرانو لوړ دي.
-د سرو داسې نورې مرغۍ هم شته.
-لکه. ...؟
-سلاکار وزيران.
- مفته يې وخوړه.
-خو که ولسمشر. ...
-دا وړه خبره ده.
-وړه نه ده، زموږ پر اوږه خپل ټوپک چلوي. ...
-تر کاسه لاندې نيم کاسه - هم يې زړه کېږي هم يې ساړه.
-بودجه کې يې زموږ ونه منله.
-ته مې وزې وهه زه به دې روژې.
-ځکه خو راتلونکې ته د پلان، تاکتيک، ستراتيژي اړتيا ده.
-چې وخت بېخي کم دی.
-تا د پلان او ستراتيژۍ وويل.
-هو!
-خبره کوه.
-دا چې نور پر يو دوو نه کېږي - درجن، درجن.
-دا څو ترې باسه خوار پړک دي. ...
-په يوه وار يوولس دوولس. ...
-امکان لري. ...؟
-پيريانو ته غزنی څه دی.
-دا خو ده.
-خو وخت کم دی مقابله سخته. ...
-دا ځل د بودجې د لګښت له اړې ځان نشي ژغورلی. ...
-څو وزارتونه دې لست کې راځي. ...؟
-تور لست کې. ...؟
-هاها (خندا) لس دوولس.
- بشپړ پکېج دی.
-ښه ده چې بودجه يې نه ده لګولې.
-په دې بايد ستایل شوي وای.
-خو زموږ خپل مجبوريت دی. ...؟
-دا ته څه وايې. ...
-بجټ، سپما يې کړي. ...؟
-د ډېرو رزق يې په لته وهلی.
-د تا خوله پټه ښه ده. ...
-وايي، څلور ترې منفي کړي، که وکيلان په دوو ډلو ووېشل شي؟
-په دې به څه کوو. ...
-دا زموږ په ګټه ده، د ستراتيژۍ برخه ده.
-ډله يوه ده چې پر دوو برخو وېشل شوې - نه جنګسالار شته، نه مجاهد، کمونېست، نه د ژبې خبره، نه د سيمې، هدف يو دی.
-خبره اوږده نشوه.
-څومره چې اوږدېږي، قيمت لوړېږي.
-ميډيا د درز او اختلاف خبرې کوي.
-درز مرز- اختلاف مختلاف - بحران محران نشته، دا هر څه د لوبې برخه ده. ...
-که جمع وي که منفي خو چې نرخ خراب نشي، د مارکېټ خيال وساتل شي.
-يوه بله لار هم شته.
-کومه لار؟
-چې زړې دوسيې راواخلو.
-کومې دوسيې. ...؟
-لکه د ځمکو د غصب. ...
-دا خو د څارنوالۍ، قضا کار دی.
-قضا، څارنوالي په څه کې ده، موږ يواځې د خطر زنګ وهو. ...
-هغه څنګه. ...؟
-چې د غاصبينو شمېر وښيو، نومونه يې وانخلو.
-دا به څوتنه وي. ...؟
-دمګړۍ يو درجن نغد کابل کې.
-زموږ يې هم د کابل په کار دي.
-خو لږ په کرار، العجله من الشيطان.
-ته وايې له رخصتيو وروسته.
-نه رخصتيو کې.
- څرنګه؟
-دا چارې د رخصتيو دي، د چڼه وهلو.
-اوس يې قيمت لګوه.
-د سړي سر څو. ...؟
-د وزيرانو پنځوس زره.
-پنځوس څه.
-ډالر، څه. ...
-ما وې که افغانۍ ښيې؟
-په افغانيو څه کېږي. ...
-د ځمکو هغه. ...
-له هغوی سره لږ احتياط. ...
-دا ولې. ...؟
- خورا خطرناک مخلوق دی.
-پر موږ د چا زهر نه چلېږي.
-د دوی منتر، اوده سخته ده، څيله به لګوې، جوګ به پخوې. ... د اړې به يې باسې.
-د دواړو ايستو خبره پرېږده.
-پوه نشوم.
-چې د اړې دې وايستی، ګويا دا مارکېټ دې وتاړه، بزنس دې ختم کړ.
-رښتيا دې وويل، چې ټول کار پر دوې روان دی.
-د دوی کار هم پر موږ چلېږي.
-د مخ او استر خبره ده.
-د دوی خونديتوب پر موږ فرض دی.
-زموږ ناز پر دوی واجب دی.
»»»
اډيو کې ځينې ټکي داسې دي چې سم نشوای اورېدای، موږ د سياق او سباق له مخې د هغو ټکو د سم تلفظ او ليک هڅه کړی - بيا هم ځينې ټکي داسې دي چې قاموسونو، ډکشينريو کې يې مانا ونشوای موندای - د ځينو هغه مانا دلته را اخلو:
لحيم = غوښن، هډور
شحيم = چاغ، چې وازده يې ډېره وي، پړسېدلی.
مذموم = رټلی، غندلی.
عليل = ناروغ، نيمګړی.
له محور ورځپاڼې په منننې. tand
له محور ورځپاڼې په منننې. tand