د خوشحاله اوسېدو لارې چارې

[din]

د خوشحاله اوسېدو لارې چارې

| شنبه, 05.01.2013, 06:54 AM | (199 لیدل شوی)

تاند- په سایکالوجیکل بولیټن کې له خپرې شوې سروې سره سم، تر هغو کسانو چې پیسې په ځان لګوي، هغه کسان ممکن ډېر خوشحاله واوسي چې په نورو پیسې لګوي. اکثره وخت تر ټولو خوشحاله کسان هغه دي چې تر ټولو زیات سخاوت کوي.

له بلې خوا هغه کسان چې یو نوی شی تجربه کوي او یو نوی اقدام کوي، تر هغو کسانو ممکن زیاته خوشحالی احساس کړي چې همېشه په زړو لارو روان وي او د عادت لمن نه پرېږدي.

د خوشحالۍ په اړه د ساکسس پوهنتون د محققانو څېړنه هم جالبه ده. دوی معلومه کړې ده چې د شنه رنګ ننداره د خوشحالي باعث ګرخي. شین اسمان ، شنې اوبه او شنه رنګونه ذهن ته سکون وربخښي، په ځان باور زیاتوي او خوشحالي ډېروي.

ډاکتر دیپک چوپرا چې د ( زیاته خوشحالي ) په نوم یې یو کتاب کښلی دی، وایي که مونږ په بل چا باندې د خپل نظر په منلو کې سرزوري ونه کړو او په خپله خبره ډېر ټینګار ونه لرو، نو نهه نوي فیصده روحي انرژي مو سپمېږي او خوشحالي مو زیاتېږي.

په میلبورن پوهنتون کې استاد ، بروس هیډي چې د خوشحالۍ په اړه یې په یو شمېر خلکو باندې خپل پنځه ویشت کلن تحقیقات تازه تازه پای ته رسولي دي، وایي ،هغه کسان چې مذهبي ځایونو ته تګ راتګ کوي، په روحي لحاظ ممکن تر هغو کسانو ارام وي چې عبادت خایونو ته نه ورځي.

له بلې خوا په انګلستان کې تر سره شوی تحقیق ښیي چې که څوک لږ تر لږه شپږ ساعته او پنځلس دقیقې پر له پسې خوب وکړي، تر هغو کسانو به خوشحاله وي چې خوب یې کم یا ګډوډ دی. همدا په انګلستان کې ترسره شوی تحقیق دا هم څرګندوي چې هغه کسان چې د ورځني کار ځای ته په شلو دقیقو کې رسېږي، تر هغو کسانو ممکن خوشحاله وي چې د کور او کارځای تر منځ واټن یې ډېر دی.

د نوټینګام پوهنتون محققانو بیا د خوشحالۍ یو بل راز معلوم کړی دی. دوی وایي هغه کس چې لس نږدې ملګري ولري، تر چا ډېره خوشحالي احساسولای شي چې د نږدې ملګرو شمېر یې پنځو ته رسېږي یا تر پنځو کم وي. د ښو یارانو زیاتوالی د خوشحالۍ د زیاتوالي سبب ګرځي.

او د خوشحاله کېدو یو بل راز دا دی چې که خوشحاله هم نه یې ، ځان خوشحاله خوشحاله کوه. که دې په شونډو د دروغو موسکا هم وي خو دا قدرت پکې شته چې خپګان دې کم کړي. موسېدل، خندېدل او ځان په لوی لاس خوشحاله ښودل، واقعي خوشحالي ته لاره اواروي.

tand

[Badlun]

der kha malgarya daryab de kuza ke band karhey dey da khushalai da para de dere khely larey charey khayali di
pa zan paisey lagawal, shin rang katal, mazhabi zayano ta tlal, pura khob kawal, der malgari satal, aw muska da khoshalai razuna di ..der kha wallah der me khwakh sho
za khpala hum pa khushalai serhana kom kho lomrhey zal me pashto jaba ke pa khushalai lik ulwast dera manana wrora
za bawar kom che lwastana, garzedal, sel kawal, warzash kawal, nawi jabey zda kawal, muraqiba kawal, jinsi taluqat satal(sex), kha khwarak kawal , kha kor laral aw sa talkleeqi kar kawal hum khoshali rawali
ka malgaro sara nor dasey khushalai da para razuna wi no waley ye na sargandawai?