Tweet
خپروونکی : لراوبرډاټ کام (کابل)
ليک : سلېمان يوسفي
نېټه : ١٧ / ٢ / ١٣٩٠ | 2011-05-07
د رويټرز آژانس له کندهار ښار څخه خبر ورکوي چي په ښار کي وروسته له هغه جنګ وموښتى چي درنې چاودني وسوې.
رويټرز وايي لومړۍ چاودنه او د سپکو او درنو وسلو ټکان د ولايت مقام او ښاروالۍ رياست ته څرمه په ارګ بازار کي وسوې چي هدف يې د ولايت مقام وداني او د والي کور وو.
دوهمه چاودنه د ښار په لويديځ کي د ملي امنيت رياست ته نيژدې سوې ده. راپورونه وايي د ښار په فضا کي الوتکي ګرځي، سړکونو له خلګو تش دي او د پوليسو او اردو عسکر يوې او بلي خوا ته ځغلي.
يوه عيني شاهد لراوبر ته ويلي چي د ولايت پر مقام په حمله کي وسله وال د ارګ بازار د تجارتي مارکيټ سرته ختلي وو او پر ولايت يې ټکان کول.