Tweet
نبي کريم صلی الله عليه وسلم به ټوله شپه په ژړا تېرول
رسول الله صلی الله عليه وسلم يو ځلي ټوله شپه په ژړا تېره کړه او تر سهار يې په لمانځه کي دا آية وايه:
( إِنْ تُعَذِّبْهُمْ فَإِنَّهُمْ عِبَادُكَ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ ) (118) سورة المائدة.
ژباړه: (اې خدايه!) که ته دوى په عذاب کړي (ستا اختيار دئ) ، دوى ستا بنده ګان دي ( مالک اختيارلري چي خپلو بندګانو ته دګناه په بدل کي سزا ورکړي) او که ته دوى ته مغفرت وکړې ( نو هم ستا اختيار دئ) بېشکه ته ، هم ته غالب يې او د حکمت څښتن يې ( معافي به دي د حکمت موافق وي) بيان القرآن.
د امام ابو حنيفه رحمه الله په اړه راغلي دي چي يوه شپه يې ټوله لاندينى آيات په لمانځه کي لوستي او ژړل يې:
( وَامْتَازُوا الْيَوْمَ أَيُّهَا الْمُجْرِمُونَ ) (59) سورة يس.
ژباړه: جلا سئ اې مجرمانو! نن ورځ ( په دنيا کي خو تاسو او سپېڅلي خلګ ګډ اوسېدلاست).
د قيامت په ورځ به مجرمان جلاوي او سپېڅلي خلګ به جلا وي د الله جل جلاله دغه حکم چي سړى واوري هر څومره چي سړى وژاړي لږ ده ځکه نه ده معلومه چي موږ به د مجرمانو په ډله کي يو او که به د سپېڅلو خلګو په ډله کي يو، الله جل جلاله دي مو د نیکانو په ډله کي حساب کړي. آمین