Tweet
د پنجابک په غېږه کې ناست یم له پاکستانه باروت راوړم، په اسلام آباد کې غونډې کوم، په کوټه کې خلک توقیفوم، او زندانونه لرم، په پاکستاني پاسپورټ سفرونه کوم، په پاکستاني ښارونو کې حوېلۍ لرم،د پاکستاني پوځ په لایسنس په پاکستان کې وسله ګرځوم، په پاکستان کې مې مدرسې دي، په پاکستان کې مجلې چاپوم، سي ډي ګانې جوړوم، له پاکستانه آنلاین یم، او چټک انټرنټ ته لاسرسی لرم، په کوټه کې محکمې دایروم، او د اختطافونو پیسې تحویلوم، پر پاکستان ته تلونکیو اوبو د بندونو جوړېدلو مخنیوی کوم، د پاکستان د ګټو لپاره په پاکستان کې امریکایي کانټینرو ته څه نه وایم، د پاکستان امنیت راته د اسلام په ګټه ښکارېږي، په اردو فونټ بنرونه او پوسټرونه چاپوم، چې پاکستان مې ونیسي، ګیله ځینې کوم، چې افغانستان مې ورورۍ او سولې ته وغواړي، پسخند پرې وهم، د کابل خلک اهل النار بولم، د اسلام آباد خلک د اسلام کلاوانان ګڼم، له یهودو نصاراوو سره د پاکستان اړیکې د عالم اسلام په خیر او د افغانستان اړیکې دوستي او موالات ګڼم، په پاکستان کې ملایي کوم، ماجر کارډ ګرځوم، بګړۍ غورځوم، سپینه نازکه خولۍ په سروم، په افغانستان کې ټوپک، پیکا، راکټ ګرځوم، او د پاکستان زوی نه یم. منئ یې؟
Comment