د امريکايي سناتور جان کيري سفر افغانستان 

[din]

خپروونکی : د لراوبر اداره
ليک : لراوبر ډاټ کام
نېټه : ٢٥ / ٢ / ١٣٩٠ | 2011-05-15

پرون د می د مياشتي پر ۱۴مه نېټه د امريکا په سنا کي د بهرنيو اړيکو د کمېټې مشر جان کيري افغانستان ته په رسمي سفر راغی ، نوموړي افغانستان ته د راتګ سره سم د بلخ له والي عطامحمد نور سره ليده کاته وکړه او ددې ولايت د امنيتي او باجوړوني پرمختيايي پروژو څخه هم ليدنه کتنه وکړه او تر هغه وروسته بيا ماښام وخت له مزارشريف څخه کابل ته د ولسمشر کرزي د ليدلو لپاره راستون سو .

د نوموړي دې عمل په سياسي ډګر کي يو شمېر پوښتني رامنځته کړې چي په سيمه کي د مهمو سياسي پېښو څخه وروسته په لومړي ځل يو لوړ پوړﺉ امريکايي مشر له افغانستان څخه د ليدلو پر مهال ولي د ولسمشر سره تر ليدلو مخکي د هغه د يوه والي سره ليدنه کتنه وکړه په داسي حال کي چي پر عطامحمد نور د تېرو ولسمشريزو ټاکنو راهيسي تور دﺉ چي د ولسمشر کرزي سرسختی مخالف دی او حکم يې نه مني ، د بلخ والي د ولسمشريزو ټاکنو پر مهال په زغرده پر ولسمشر حامد کرزي نيوکي وکړې او د هغه د سيال ، نظار شورا د پاته شوني او شمالي ټلوالي د يوه مخور ډاکټر عبدالله عبدالله لپاره يې ددولت د ټولو امکاناتو څخه په کار اخستنه ننګه او ملاتړ اعلان کړ .
تاسي درانه لوستونکي دې موضوع ته څنګه ګورﺉ ، ستاسي په نظر په سيمه کي د اسامه بن لادن تر مړيني وروسته په داسي حال کي چي په لراوبر افغان وطن کي پښتني سيمي هره شپه او ورځ د ناټو او ايتلاف لخوا په بمونو سوځول کېږي ، ماشومان او سپين ږيري يې ګور ته او ځوانان يې زندانونو ته اچول کيږي خو په مقابل کي د يوه لوړ پوړي امريکايي چارواکي سفر يوه داسي ولايت ته چي والي يې نه يوازي د خپل هيواد پر اکثريت اوسيدونکو پښتنو باندي د زړه سوي اظهار نه دی کړﺉ بلکي نړيوال هڅوي چي د پښتون مېشتو سيمو د بياجوړوني فنډونه دي شمالي ولايتونو ته ورکړه سي ځکه چي د پښتنو په سيمو کي امن نسته او په رسمي خبري ناسته کي د ډيورنډ کرښي رسمي منل غواړي څه معنا لري .
عطامحمد نور د روسانو پر وړاندي د جمعيت ګوند غړﺉ و خو د ۲۰۰۱ کال د امريکايي بريدونو له پيل څخه نظار شورا او شمال ټلوالي ته د امريکايې بې شمېرو مرستو او واک په ورکولو سره د افغانستان په مهمو دولتي چارو کي واکمن پاته سوی دی .
له ټولو درنو لوستونکو هيله کوو چي خپل نظر او تبصره د قلم عفت په ساتلو سره ثبت کړي .

[din]

د امريکايي سناتور جان کيري سفر افغانستان &#157

[gadoonwal]

din,wrora wabakha,mung pukhtana tash faryaad ta takra yu.
za kho waim da ata mamad nor dir nar zwan deh.daga se masharan pakar dey.
pa pukhtanu sa chal shawai day?aya karzai pakhtun nadai?
gul aga pakhtun nadai?wardag pakhtun nadai?

ata mamad nor manam chi pukhtanu sara dera keena lari aw ghwari chi da durand karha lasleek krai kho da khpal qaam sara kho e meena aw ikhlaas shtai kana.
da zamong mashran kho hasai ,,,kadwan,,dey.