سفر سفر زندګې فيروز۔۔۔۔ افريدي

[Feroz Afridi]

سفر سفر زندګې
زمونږ اکثر زندګی

خاورې په سر زندګی
دا در په در زندګی

بار مو په سر زندګی
لکه د غر زندګی

اوتر اوتر زندګی
لکه محشر زندګی

لاندې د نمر زندګی
د اور په سر زندګی

د کور بهر زندګی
ازغی بستر زندګی

د مسافر زندګی
لکه سقر زندګی

ربه بهتر زندګی
په کور او در زندګی

نه سمندر زندګی
غواړم ګوهر زندګی

د زوراور زندګی
نه د څه شر زندګی

په پښاور زندګی
یا په خیبر زندګی

بس د بشر زندګی
لکه د نر زندګی

_________________