Tweet
د دوو ټیمونو ترمنځ د اختلاف له کبله نوې کابینه ځنډېدلې
تاند- رویټرز خبري اژانس وايي چې د ولسمشر غني او اجراييه رييس عبدالله عبدالله د کمپونو ترمنځ د اختلاف له کبله د افغانستان د نوې کابینې اعلان ځنډېدلی دی.
ولسمشر اشرف غني غواړي چې د لندن تر کنفرانس مخکې نوې کابینه جوړه شي خو رویټرز خبري اژانس، چې د دواړو کمپونو له غړیو سره یې خبرې کړي، وايي ګومان نه کېږي چې کابینه دې داسي ژر جوړه شي.
د عبدالله عبدالله ویندوی مجیب رحیمي وویل:«د ولسمشر غني ټیم د قدرت د مساوي وېش د معاملې په اړه متفاوت درک لري او همدا علت دی چې نوې کابینه تراوسه پوري نه ده جوړه شوې.»
د رویټرز پر اساس د عبدالله عبدالله پلویان هیله لري چې ټولې دولتي چوکۍ به په مساوي ډول د دوو ټیمونو ترمنځ ووېشل شي خو دا نظر ولسمشر غني رد کړی دی.
د ولسمشر غني یوه سلاکار داوود سلطانزوی په دې اړه وویل:« دا ناممکنه ده، ځکه چې یو هم، نه ولسمشر او نه اجراییه رييس، هر څه په خپل انحصار کې اخیستی شي. موږ حکومت د شخصي ملکیت په شان په دوو برخو وېشلی نه شو.»
ولسمشر غني یوازې محمد حنیف اتمر د ملي امنیت سلاکار ټاکلی چې پر هغه هم د عبدالله له لوري انتقاد شوی دی.
رویټرز وايي چې دا ډول اختلافات د افغانستان د نوي حکومت دوه اساسي هدفونه، چې له فساد سره مبارزه او د پاکو او وړ کسانو ګومارل دي، له ستونزو سره مخامخوي.
د دواړو ترمنځ اختلاف په دې هم دی چې د دفاعي او مالي چارو وزیران څوک معرفي کړي. همداراز د ملي امنیت د ریاست پر سر هم اختلاف دی.
د مخکنیو راپورونو پر اساس د غني او عبدالله ترمنځ په موافقه کې ویل شوي و چې د مالي او دفاعي چارو وزیران به په مساوي ډول د دواړو له لوري معرفي کېږي خو د نورو وزارتونو په اړه څه نه و ویل شوي مګر اوس د عبدالله کمپ وايي چې ټول وزارتونه او ولایتونه به په مساوي ډول وېشل کېږي.
په دفاعي وزارتونو کې د دفاع، کورنیو چارو وزارتونه او د ملي امنیت ریاست او د ملي امنیت سلاکاري شامله ده.
- Thursday, 13 November 2014 15:12
- Written by: تاند
- Leave a reply
- Category: خبرونه
- permalink
-
خپروونکی: تاند http://taand.com
تاند- رویټرز خبري اژانس وايي چې د ولسمشر غني او اجراييه رييس عبدالله عبدالله د کمپونو ترمنځ د اختلاف له کبله د افغانستان د نوې کابینې اعلان ځنډېدلی دی.
ولسمشر اشرف غني غواړي چې د لندن تر کنفرانس مخکې نوې کابینه جوړه شي خو رویټرز خبري اژانس، چې د دواړو کمپونو له غړیو سره یې خبرې کړي، وايي ګومان نه کېږي چې کابینه دې داسي ژر جوړه شي.
د عبدالله عبدالله ویندوی مجیب رحیمي وویل:«د ولسمشر غني ټیم د قدرت د مساوي وېش د معاملې په اړه متفاوت درک لري او همدا علت دی چې نوې کابینه تراوسه پوري نه ده جوړه شوې.»
د رویټرز پر اساس د عبدالله عبدالله پلویان هیله لري چې ټولې دولتي چوکۍ به په مساوي ډول د دوو ټیمونو ترمنځ ووېشل شي خو دا نظر ولسمشر غني رد کړی دی.
د ولسمشر غني یوه سلاکار داوود سلطانزوی په دې اړه وویل:« دا ناممکنه ده، ځکه چې یو هم، نه ولسمشر او نه اجراییه رييس، هر څه په خپل انحصار کې اخیستی شي. موږ حکومت د شخصي ملکیت په شان په دوو برخو وېشلی نه شو.»
ولسمشر غني یوازې محمد حنیف اتمر د ملي امنیت سلاکار ټاکلی چې پر هغه هم د عبدالله له لوري انتقاد شوی دی.
رویټرز وايي چې دا ډول اختلافات د افغانستان د نوي حکومت دوه اساسي هدفونه، چې له فساد سره مبارزه او د پاکو او وړ کسانو ګومارل دي، له ستونزو سره مخامخوي.
د دواړو ترمنځ اختلاف په دې هم دی چې د دفاعي او مالي چارو وزیران څوک معرفي کړي. همداراز د ملي امنیت د ریاست پر سر هم اختلاف دی.
د مخکنیو راپورونو پر اساس د غني او عبدالله ترمنځ په موافقه کې ویل شوي و چې د مالي او دفاعي چارو وزیران به په مساوي ډول د دواړو له لوري معرفي کېږي خو د نورو وزارتونو په اړه څه نه و ویل شوي مګر اوس د عبدالله کمپ وايي چې ټول وزارتونه او ولایتونه به په مساوي ډول وېشل کېږي.
په دفاعي وزارتونو کې د دفاع، کورنیو چارو وزارتونه او د ملي امنیت ریاست او د ملي امنیت سلاکاري شامله ده.