Tweet
ې په منننې
له پیازو څخه پر غذا سربېره په درملنه کې هم کار اخستل کېږي او هغوی چې پیاز خوري د نورو په پرتله په لاندنیو ناروغیو یې د اخته کېدو چانس کم وي.
ـ پیاز د زړه درمل دي:
پیاز د وینې د کلسترولو په له منځه وړو کې مرسته کوي او د زړه د ناروغۍ علاج لپاره یې ګټور دي.
څېړونکو پر حیوانانو تر تجربې وروسته موندلې، چې تر شپږو اونیو د پیازو خوړل د وینې بد کلسټرول شل سلنه کموي؛ خو په همدغه موده کې د ښو کلسټرولو په اندازه کې کوم تغیر نه راولي.
ـ پیاز د سرطان ضد دي:
د کورنل پوهنتون څېړونکو له یوې مطالعې وروسته ویلي، چې پیاز د انټي اکسیډانتي خواصو په لرلو سره د سرطاني سلولونو په کنترول کې مرسته کوي او د سرطان د کموالي حتی د له منځه وړلو سبب یې هم کېږي. دوی سپارښتنه کوي، چې په اونۍ کې حد اقل دوه ځلي په منظم ډول د پیازو خوړل د سرطان مخه نیسي.
ـ پیاز مغز اراموي:
پیاز د وینې جوړونکی دی او د انسانانو مغز اراموي. په پیاز کې شته اسیدوفولیک یا ویټامین بي شپږ ترکیبات د انسان مغز اراموي.
هغوی چې په منظم ډول پیاز کاروي، په پورته ناروغیو یې د اخته کېدو چانس کم وي، خو باید په یاد ولري چې تر پیازو وروسته د غاښونو برس کارول حتمي دي، ځکه خوله ورسره ډېر بد بوی کوي او د خولې بوی انسان په ټولنیزو اړیکو کې بې شخصیته معرفي کوي.