Tweet
http://www.taand.comخبرونه سیمه او نړۍحمید ګل: امریکا غواړي چې پاکستان له منځه یوسي
حمید ګل: امریکا غواړي چې پاکستان له منځه یوسي
تاند- د پاکستان د ای ایس آی پخوانی ريیس متقاعد جنرال حمید ګل وايي، امریکا په افغانستان کې له خپلې ماتې وروسته د پاکستان د ویجاړولو په لټه کې ده.
جنرال حمید ګل، چې افغانان یې د افغانستان د سوکالۍ او وجود لوی دښمن ګڼي، د پنجاب په مرکز لاهور کې د «پاکستان نظریه» په نوم په یوه کنفرانس کې ادعا وکړه چې امریکا په افغانستان کې ماته کړې او اوس په دې هڅه کې ده چې پاکستان ویجاړ کړي.
حمید ګل له تېرو ۱۳ کلونو راهیسي په ځلونو ویلي چې امریکا په افغانستان کې ماتې کړې او یا دا چې امریکا افغانستان ته د دې لپاره راغلې چې د پاکستان اتومي بم له منځه یوسي.
خو حمید ګل د لاهورپه کنفرانس کې د خپلو پخوانیو څرګندونو خلاف وویل چې طالبان د امریکا له لوري رامنځته شوي دي.
دا په داسي حال کې دي چې حمید ګل او د آی ایس آی نورو پخوانیو چارواکو تل ویل چې طالبان د افغانستان د ازادۍ لپاره مقدس جهاد کوي.
ده کنفرانس ته وویل:«طالبان د امریکا له لوري رامنځته شول، دوی غواړي چې په دې توګه اسلام بدنامه کړي.»
حمید ګل په عین حال کې وویل چې روسیې په افغانستان کې ماتې وکړه او امریکا هم ناکامېدونکې ده مګر حاضره نه ده چې په سیمه کې خپلې ګټې په اسانه له لاسه ورکړي.
ده دا هم وویل چې تل یې ویلي چې د ۲۰۰۱ میلادي کال د سپټمبر د یوولسمې نېټې پېښه پر افغانستان د حملې لپاره یوه پلمه وه مګر د امریکا اصلي هدف پاکستان دی.
حمیدګل، چې د پاکستان اساسي قانون ته ځان وفادار بولي، وویل چې لوېدیځه دیموکراسي مسلمانانو ته ګټه نه لري او مسلمانانو ته تر ټولو ښه قانون قرآن دی.
تېره اوونۍ پاکستاني طالبانو اعلان وکړ چې د پاکستان په اساسي قانون کې حتي یوه ماده هم اسلامي نه ده. خو د پاکستان حکومت له طالبانو سره د خبرو لپاره یو اساسي شرط دا ټاکلی چې هر راز خبرې به د پاکستان د اساسي قانون په رڼا کې کېږي.
حمید ګل دا هم وویل، سره له دې چې پر افغانستان له ۲۰۰۱ څخه یرغل شوی خو په پاکستان کې له ۲۰۰۶ څخه د امریکا د بې پېلوټه الوتکو له حملو وروسته ځانمرګي بریدونه پیل شوي دي.
حمید ګل: امریکا غواړي چې پاکستان له منځه یوسي
- Monday, 24 February 2014 8:21
- لیکنه: تاند
- تبصره ولیکئ
تاند- د پاکستان د ای ایس آی پخوانی ريیس متقاعد جنرال حمید ګل وايي، امریکا په افغانستان کې له خپلې ماتې وروسته د پاکستان د ویجاړولو په لټه کې ده.
جنرال حمید ګل، چې افغانان یې د افغانستان د سوکالۍ او وجود لوی دښمن ګڼي، د پنجاب په مرکز لاهور کې د «پاکستان نظریه» په نوم په یوه کنفرانس کې ادعا وکړه چې امریکا په افغانستان کې ماته کړې او اوس په دې هڅه کې ده چې پاکستان ویجاړ کړي.
حمید ګل له تېرو ۱۳ کلونو راهیسي په ځلونو ویلي چې امریکا په افغانستان کې ماتې کړې او یا دا چې امریکا افغانستان ته د دې لپاره راغلې چې د پاکستان اتومي بم له منځه یوسي.
خو حمید ګل د لاهورپه کنفرانس کې د خپلو پخوانیو څرګندونو خلاف وویل چې طالبان د امریکا له لوري رامنځته شوي دي.
دا په داسي حال کې دي چې حمید ګل او د آی ایس آی نورو پخوانیو چارواکو تل ویل چې طالبان د افغانستان د ازادۍ لپاره مقدس جهاد کوي.
ده کنفرانس ته وویل:«طالبان د امریکا له لوري رامنځته شول، دوی غواړي چې په دې توګه اسلام بدنامه کړي.»
حمید ګل په عین حال کې وویل چې روسیې په افغانستان کې ماتې وکړه او امریکا هم ناکامېدونکې ده مګر حاضره نه ده چې په سیمه کې خپلې ګټې په اسانه له لاسه ورکړي.
ده دا هم وویل چې تل یې ویلي چې د ۲۰۰۱ میلادي کال د سپټمبر د یوولسمې نېټې پېښه پر افغانستان د حملې لپاره یوه پلمه وه مګر د امریکا اصلي هدف پاکستان دی.
حمیدګل، چې د پاکستان اساسي قانون ته ځان وفادار بولي، وویل چې لوېدیځه دیموکراسي مسلمانانو ته ګټه نه لري او مسلمانانو ته تر ټولو ښه قانون قرآن دی.
تېره اوونۍ پاکستاني طالبانو اعلان وکړ چې د پاکستان په اساسي قانون کې حتي یوه ماده هم اسلامي نه ده. خو د پاکستان حکومت له طالبانو سره د خبرو لپاره یو اساسي شرط دا ټاکلی چې هر راز خبرې به د پاکستان د اساسي قانون په رڼا کې کېږي.
حمید ګل دا هم وویل، سره له دې چې پر افغانستان له ۲۰۰۱ څخه یرغل شوی خو په پاکستان کې له ۲۰۰۶ څخه د امریکا د بې پېلوټه الوتکو له حملو وروسته ځانمرګي بریدونه پیل شوي دي.