Tweet
http://www.taand.comخبرونهجان بولټن: اوباما غواړي چې له افغانستانه ټول پوځیان وباسي
جان بولټن: اوباما غواړي چې له افغانستانه ټول پوځیان وباسي
تاند- په ملګروملتو کې د امریکا پخوانی سفیر وايي، ولسمشر بارک اوباما نه غواړي چې په افغانستان کې یې لږ یا ډېر پوځیان پاتې شي.
جان بولټن وویل، اوباما غواړي چې له افغانستانه هم هماغسي عسکر وباسي چې له عراق څخه یې ایستلي ول.
بولټن فکس نیوز تلویزیوني چاینل ته د اوباما په اړه وویل:«ده نه غوښتل چې په عراق کې یو امریکايی پوځي هم پاتې شي، زه فکر کوم دی (اوباما) نه غواړي چې په افغانستان کې یې هم پوځیان پاتې شي.»
د افغانستان ولسمشر حامد کرزی په افغانستان کې د امریکايي او ناټو پوځیانو د پاتې کېدو په اړه د لویې جرګې له پرېکړې سره سره حاضر شوی نه دی چې له امریکا سره دوه اړخیزه امنیتي موافقه لاسلیک کړي.
په م.م. کې د امریکا د متحدو ایالتونو د پخواني سفیر جان بولټن په وینا د افغانستان له ولسمشر حامد کرزي سره په خبرو کې جوړجاړی ممکن دی.
ده زیاته کړه:«فکر کوم که موږ غوښتلای چې له عراق سره جوړجاړی وکړو، کولای مو شوای. اوس هم فکر کوم چې که موږ وغواړو چې له کرزي سره جوړجاړی وکړو ممکنه ده چې وشي.»
بولټن په دې اړه چې اوباما غواړي له افغانستانه خپل ټول پوځیان وباسي، وویل:«زه نه پوهېږم چې د کال (۲۰۱۴) په پای کې به څه پېښ شي، له بده مرغه به هغه څه وشي چې نن سبا یې په عراق کې وینو.»
د عراق په فلوجه او یو شمېر نورو سیمو کې، چې امریکايي پوځیانو له القاعده څخه نیولې وې، القاعده شبکې خپل بیرغونه پورته کړي دي.
جان بولټن: اوباما غواړي چې له افغانستانه ټول پوځیان وباسي
تاند- په ملګروملتو کې د امریکا پخوانی سفیر وايي، ولسمشر بارک اوباما نه غواړي چې په افغانستان کې یې لږ یا ډېر پوځیان پاتې شي.
جان بولټن وویل، اوباما غواړي چې له افغانستانه هم هماغسي عسکر وباسي چې له عراق څخه یې ایستلي ول.
بولټن فکس نیوز تلویزیوني چاینل ته د اوباما په اړه وویل:«ده نه غوښتل چې په عراق کې یو امریکايی پوځي هم پاتې شي، زه فکر کوم دی (اوباما) نه غواړي چې په افغانستان کې یې هم پوځیان پاتې شي.»
د افغانستان ولسمشر حامد کرزی په افغانستان کې د امریکايي او ناټو پوځیانو د پاتې کېدو په اړه د لویې جرګې له پرېکړې سره سره حاضر شوی نه دی چې له امریکا سره دوه اړخیزه امنیتي موافقه لاسلیک کړي.
په م.م. کې د امریکا د متحدو ایالتونو د پخواني سفیر جان بولټن په وینا د افغانستان له ولسمشر حامد کرزي سره په خبرو کې جوړجاړی ممکن دی.
ده زیاته کړه:«فکر کوم که موږ غوښتلای چې له عراق سره جوړجاړی وکړو، کولای مو شوای. اوس هم فکر کوم چې که موږ وغواړو چې له کرزي سره جوړجاړی وکړو ممکنه ده چې وشي.»
بولټن په دې اړه چې اوباما غواړي له افغانستانه خپل ټول پوځیان وباسي، وویل:«زه نه پوهېږم چې د کال (۲۰۱۴) په پای کې به څه پېښ شي، له بده مرغه به هغه څه وشي چې نن سبا یې په عراق کې وینو.»
د عراق په فلوجه او یو شمېر نورو سیمو کې، چې امریکايي پوځیانو له القاعده څخه نیولې وې، القاعده شبکې خپل بیرغونه پورته کړي دي.