Tweet
د ولسي جرګې دوهم مرستیال له افغانیت او اسلامیت سره په دښمنۍ تورن شو
Saturday, 30 November 2013 23:33 لیکنه: تاند 8 تبصرې
Saljoqi Salih Mohammad
څانګې خبرونه
اصلي لینک
خپروونکی: تاند
www.taand.com -
تاند- په ولسي جرګه کې نن افشا شوه چې د دې جرګې دوهم نایب په الیکترونیکي تذکره کې د افغان او اسلام کلمې په خپل سر ایستلي او مشرانو جرګې ته یې لېږلي دي.
صالح محمد سلجوقي، چې د هرات د خلکو یو وکیل دی، له افغانیت او اسلامیت سره د شخصي اختلاف له کبله د ولسي جرګې د پرېکړې خلاف مشرانو جرګې ته په استولي مکتوب کې دا دوه کلمې د جرګې له پرېکړې ایستلي دي.
ولسي جرګې څو میاشتې پخوا په الیکترونیکي تذکرو کې د وکړو د مشخصاتو ترڅنګ د هغوی د دین او ملیت یادونه ضروري بللې وه. د جرګې په غونډه کې یو شمېر وکیلانو، چې د ملت پر ځای یې پر قومیت تاکید درلود، د افغان کلمې له لیکلو سره مخالفت کړی و.
د ولسي جرګې ځینو مخکښو او خوله ورو غړیو نن /شنبه/ د جرګې په غونډه کې په زغرده وویل چې ښاغلي سلجوقي مشرانو جرګې ته په استولي لیک کې خپل شخصي اغراض شامل کړي دي.
ولسي جرګې په خپله پرېکړه کې ویلي و چې د قومونو د ذکرولو پرځای د افغان او مسلمان کلمې ذکرول کافي دي او د هر فرد قومیت دې په ډتابېس یا اسنادو کې ولیکل شي.
د ولسي جرګې یوه غړي کمال ناصر اصولي په جرګه کې ټولو حاضرو وکیلانو ته د ولسي جرګې د پرېکړې اصلي کاپي او د سلجوقي له لوري مشرانو جرګې ته استولې کاپي وښوده او غوښتنه یې وکړه چې باید سلجوقي د دې ملي خیانت او د ولسي جرګې د پرېکړې د سپکاوي ځواب ووايي.
ده چې د ولسي جرګې د پرېکړې کاپي او د سلجوقي له لوري استول شوی مکتوب په لاس کې لرل، وویل:«د غه مکتوب د سلجوقي صاحب په امضا مشرانو جرګې ته تللی دی. سلجوقي صاحب ما او تا چې په دفتر کې ناست وو، درته مې وویل چې قضیه تصویب شوه او تا وویل، هو، تصویب شوه، نو له هغې وروسته دی بیا دوه بیل بیل مکتوبونه مشرانوجرګې ته استولي دي.
له اداري هیات څخه هیله ده، دا د افغانستان موضوع ده، په دې کې خیانت کول، جواز نه لري او عامل یې باید څارنوالۍ ته معرفي شي.»
سلجوقي سره له دې چې په غونډه کې حاضر و، سر ټیټ نیولی و او د نیوکې په وړاندې پټه خوله پاتې شو.
د جرګې ځینو غړیو څارنوالۍ ته د سلجوقي د معرفي کولو غوښتنه کوله خو د ولسي جرګې ريیس عبدالروف ابراهیمي وویل چې څلور تنه وکیلان ګوماري چې د جرګې په دارالانشا کې د جرګې پرېکړه او د مکتوبونو اصلي بڼه ترلاسه کړي.
ښاغلي ابراهیمي وویل :« محترم کټوازی صاحب، عثماني صاحب، غفاري صاحب، منګل خور او نجرابي صاحب دې په دارالانشاء کې دا مکتوب او د ولسي جرګې پرېکړه وپلټي او موږ ته دې راوړي.»
Saturday, 30 November 2013 23:33 لیکنه: تاند 8 تبصرې
Saljoqi Salih Mohammad
څانګې خبرونه
اصلي لینک
خپروونکی: تاند
www.taand.com -
تاند- په ولسي جرګه کې نن افشا شوه چې د دې جرګې دوهم نایب په الیکترونیکي تذکره کې د افغان او اسلام کلمې په خپل سر ایستلي او مشرانو جرګې ته یې لېږلي دي.
صالح محمد سلجوقي، چې د هرات د خلکو یو وکیل دی، له افغانیت او اسلامیت سره د شخصي اختلاف له کبله د ولسي جرګې د پرېکړې خلاف مشرانو جرګې ته په استولي مکتوب کې دا دوه کلمې د جرګې له پرېکړې ایستلي دي.
ولسي جرګې څو میاشتې پخوا په الیکترونیکي تذکرو کې د وکړو د مشخصاتو ترڅنګ د هغوی د دین او ملیت یادونه ضروري بللې وه. د جرګې په غونډه کې یو شمېر وکیلانو، چې د ملت پر ځای یې پر قومیت تاکید درلود، د افغان کلمې له لیکلو سره مخالفت کړی و.
د ولسي جرګې ځینو مخکښو او خوله ورو غړیو نن /شنبه/ د جرګې په غونډه کې په زغرده وویل چې ښاغلي سلجوقي مشرانو جرګې ته په استولي لیک کې خپل شخصي اغراض شامل کړي دي.
ولسي جرګې په خپله پرېکړه کې ویلي و چې د قومونو د ذکرولو پرځای د افغان او مسلمان کلمې ذکرول کافي دي او د هر فرد قومیت دې په ډتابېس یا اسنادو کې ولیکل شي.
د ولسي جرګې یوه غړي کمال ناصر اصولي په جرګه کې ټولو حاضرو وکیلانو ته د ولسي جرګې د پرېکړې اصلي کاپي او د سلجوقي له لوري مشرانو جرګې ته استولې کاپي وښوده او غوښتنه یې وکړه چې باید سلجوقي د دې ملي خیانت او د ولسي جرګې د پرېکړې د سپکاوي ځواب ووايي.
ده چې د ولسي جرګې د پرېکړې کاپي او د سلجوقي له لوري استول شوی مکتوب په لاس کې لرل، وویل:«د غه مکتوب د سلجوقي صاحب په امضا مشرانو جرګې ته تللی دی. سلجوقي صاحب ما او تا چې په دفتر کې ناست وو، درته مې وویل چې قضیه تصویب شوه او تا وویل، هو، تصویب شوه، نو له هغې وروسته دی بیا دوه بیل بیل مکتوبونه مشرانوجرګې ته استولي دي.
له اداري هیات څخه هیله ده، دا د افغانستان موضوع ده، په دې کې خیانت کول، جواز نه لري او عامل یې باید څارنوالۍ ته معرفي شي.»
سلجوقي سره له دې چې په غونډه کې حاضر و، سر ټیټ نیولی و او د نیوکې په وړاندې پټه خوله پاتې شو.
د جرګې ځینو غړیو څارنوالۍ ته د سلجوقي د معرفي کولو غوښتنه کوله خو د ولسي جرګې ريیس عبدالروف ابراهیمي وویل چې څلور تنه وکیلان ګوماري چې د جرګې په دارالانشا کې د جرګې پرېکړه او د مکتوبونو اصلي بڼه ترلاسه کړي.
ښاغلي ابراهیمي وویل :« محترم کټوازی صاحب، عثماني صاحب، غفاري صاحب، منګل خور او نجرابي صاحب دې په دارالانشاء کې دا مکتوب او د ولسي جرګې پرېکړه وپلټي او موږ ته دې راوړي.»