افغانستان په ۱۳۸ منډو آیرلنډ ته ماتې ورکړ

[Afgun]

افغانستان په ۱۳۸ منډو آیرلنډ ته ماتې ورکړه

د افغانستان د کرکټ ملي لوبډلې نن /سې شنبه/ آیرلنډ ته په ۱۳۸ منډو ماتې ورکړه.د دې سیالۍ پچه آیرلنډ وګټله او پرېکړه یې وکړه چې لومړی افغانستان بیټنګ وکړي.
افغان لوبډلې په ۵۰ اوورونو کې د ۹ لوبغاړو د سوځېدو په وړاندې ۲۳۸ منډې وکړې.
که څه هم د افغانستان دوه پرانستګر لوبغاړي جاوید احمدي او احسان الله ژر وسوځېدل خو رحمت شاه او ناصر جمال ښه لوبه وکړه. د رحمت شاه ۵۰ او د جمال ۵۳ منډو د افغان لوبډلې ملا ټینګه کړه.
د افغانستان بیټنګ

ورپسې درو نورو لوبغاړو منډې ونه کړای شوې خو راشد ارمان او شفیق الله ښه لوبه وکړه.
د راشد ۴۸ او د شفق ۳۶ منډو د افغانستان له لوري آیرلنډ ته هدف د مخکیني اټکل خلاف لوړ کړ.
د افغانستان په ملي لوبډله کې نوي ځای شوي لوبغاړي مجیب ځدراڼ ل د آیرلنډ ټیم له پیله له وارخطایۍ سره مخامخ کړ.
مجیب د آیرلنډ تکړه لوبغاړي یو په بل پسې وسوځول. د ده ۴ ویکټونو په نننۍ بریا کې خورا مهم رول ولوباوه.
راشد ارمان ۳ او دولت ځدراڼ ۲ لوبغاړي وسوځول خو محمد نبي د آیرلنډ د ټیم د کار لوبغاړی وسوځاوه.
مجیب نه یوازې ۴ آیرلنډي لوبغاړي وسوځول بلکې ډېرې لږې منډې یې ورکړې. مجیب د نننۍ مسابقې غوره لوبغاړی شو.
ده په ۱۰ اوورونو کې یوازې ۲۴ منډې ورکړې.