Pashtun Community | Pashtuns | Pashto |
World's Largest Online Pashtun Community

Go Back   Pashtun Community | Pashtuns | Pashto | > Politics & Current Affairs > Political Talk - سياسي خبرې
Reload this Page ملي پاڅونونه ، داستعمار په وړاندې نوی ګوا©
User Tag List

Reply
 
Thread Tools Display Modes
(#1)
Old
din din is online now
PF senior
din is on a distinguished road
 
Posts: 6,539
Thanks: 1,136
Thanked 943 Times in 704 Posts
My Mood: Aggressive
Mentioned: 2 Post(s)
Tagged: 0 Thread(s)
Join Date: Apr 2010
Default ملي پاڅونونه ، داستعمار په وړاندې نوی ګوا© - 01-30-2011, 12:11 PM

روونکی : د لراوبر اداره
ليک : عبدالرحمن فرقاني
نېټه : ٨ / ١١ / ١٣٨٩ | 2011-01-28
له شکه وتلې خبره ده چې ملي پاڅون خلکو ته د آزادۍ او خپلواکۍ دنوی سهار نسیم له ځانه سره راوړي . او همدا د خلکو پاڅون او وحدت دي چې په پای کې تاریخ لیکي ،او ټولنه د ریښتنی بدلون په لور وړي ، د استعمار ، استکبار او استبداد له جبر څخه خلک ژغوري . خو ملي پاڅون هغه وخت ډیر مؤثر او اغیزمن وي ، چې د هیواد په کچه سیاسي شعور هغه مرحلې ته رسیدلې وي ، تر څو دا پاڅون ترې بې لارې نه شي ، او دکوم هدف لپاره چې ګمارل شوی وي د هماغه هدف د تر لاسه کولو لپاره هڅه وکړي .
کوم ملي پاڅونونه چې نن دنړۍ په هغوعربي هیوادونو کې په لاره اچول کیږي ، چې د یوې اوږدې مودې څخه د استعمار تر جبر او ظلم لاندې وو ، که په څه دلالت کوي ، نو خامخا به په دې دلالت کوي ، چې نور خلک د استعمار د ظلم او بربریت څخه په تنګ شوی دي ، نور هغه نشي زغملي ، د خپلو حاکمانو څخه زوریدلي دي ، نور غواړي چې دا داستعمار تالي څټي پر دوی حکومت ونه کړي . او په دې دلالت کوي چې د نن زمانې په ځوانان کې ژور بدلون را منځ ته شوی دی ، د نن زمانې د ځوانانو سیاسي شعور د پرونۍ زمانې د ځوانانو د سیاسی شعور په څیر محدود پاتې نه دی ، د نن زمانې مظلوم ملتونه د خپلو ځوانانو په رهبرۍ غواړي چې نور د استعمارتر جبرلاندې ژوند ونه کړي ، نور د استعمار تالي څټي پر دوی حکومت ونه کړي ، نور د خپلې ارادې خاوندان وي ، سیاسی برخلیک ئې په خپل لاس کې وي ، نن د علم او تکنالوژۍ د ترقۍ او پرمختګ په نتیجه کې هر څوک کولای شي د لږ زیار په پایله کې له ډیر څه نه خبر شي .
داسې ښکاري چې په تیرو دریو لسیزو کې د ځوانانو سیاسي شعور په هغو هیوادونو کې چې د پیړیو راهیسې د استعمار تر بربریت او وحشت لاندې پاتې وو ، ډیره وده کړې ده ، اود استعمار سره د مبارزې هغه شونې لیارې ئې موندلې دي ،چې د دوی په هیوادونو کې په دیموکراتیکه توګه بدلون را منځ ته کړي ، داسې بدلون چې د استعمار تالي څټي نور پردوی د خپل هوس پالني لپاره حکومت ونه کړي . که پرون استعمار او د استعمار پلویانو د اسلامی حرکتونو مبارزې ته د تروریزم رنګ ورکړی ؤ ، او هر راز استعمار ضد حرکت او پاڅون ئې د تروریزم او سختدریځۍ تر نامه لاندې ځاپه ، په اسلامي هیوادونو کې ئې د تروریزم د ځپلو په پیلمه خپل تالي څټي واک ته رسولي وو . خو نن د ظلم او بربریت په وړاندې هماغه کړنلاره استعمالیږي ( دځان سیزل ) چې له یوې اوږدې مودې څخه د اسلامي امت بې وسه خلک پکې ګیر شوی وو ، د استعمار وحشي ځواکونو په ګڼ شمیر اسلامي هیوادونو کې بې وسه خلک د خپلو پرمختللیو جنګې وسایلو په اور کې سیزل ، دژوند د هر رازآسنتیاوو څخه ئې محروم کړي وو ، نه پوهیږم چې نن به د دوی د ظلم په وړاندې دغه راز مبارزې ته څه ډول رنګ ورکوي .
آیا داستعمار غاصبینو ته دا کفایت نه کوي ، چې د دوی د ظلم او وحشت له لاسه خلک سرعام ځانونه سیزي ، د دوی د وحشت له لاسه د خپل ژوند څخه لاس په سر شوی دي ؟، دا کفایت نه کوي چې یو ځل خپل ګریوان ته سر ټیټ کړي ، او په خپلو جنیایتونو او جرایمو باندې اعتراف وکړي ، او اشغال شوی هیوادونه پریږدي ، د خلکو له زورولو لاس واخلي . خو دا جوته ده چې د تاریخ په اوږدو کې استعمار داسې د انسانیت په جاده نه دی برابر شوی ، او نه به برابر شي .
که پرون استعمار د خپل وحشي هوس د پرځای کولو لپاره بې وسه او مظلوم ملتونه په اور کې سیزل ، خو نن خلک د دوی د ظلم د مخنوی لپاره ځانونو ته اور اچوي او په عام مظهر کې ځان سیزي ، د دغې نوې انقلابي تګلارې مهمه بڼه دا ده چې ټول ملت په ډیر جرات سره په دغه پاڅون کې برخه اخلي ، چې په تیرو وختونو کې دا راز چلند معمول نه ؤ ، او دا هغه کار دی چې د استعمار حاکمان له وړاندې ورته تیاری نه لري ، او پرته لدې ئې مخنوی هم نشي کولاي چې یا خپل سلوک اوکرادار بدل کړي ، خپل هیواد او ملت ته ژمن شي ، د خلکو خدمت ته په صادقانه ډول ور ودانګي ، او یا حکومت پریږدي او د هیواد سیاسی برخلیک ملت ته وسپاري . نن داسلامي نړۍ حالت تر هر بل وخت څخه ډیر ناوړه او اندیښمن دی ، په اکثرو اسلامي هیوادونو کې مسلمانان زورل کیږي ، ثروتونه ئې په غارت وړل کیږي ، حقوق ئې تر پښو لاندې کیږي ، خپلې شتمنې د خپل ژوند د سوکالۍ او سعادت لپاره نه شي استعمالولی ، په خپلو هیوادونو کې د استبداد او زورواکۍ تر توره لاندې ژوند کوي ، دهر ډول پرمختک او تمدن څخه محروم دي ، د دیموکراسۍ په نامه راغلي غارتګران پرې مسلط دی . له بل لوری نن د اسلامي امت پر ضد استعمارګران تر بل هر وخت نه سره یو موټی دي ، په برلا توګه ئې ثروتونه غارتوي ، د فکري ، عقیدوي او فرهنګي وجود په ضد ئې مبارزه کوي ، او که څوک جرات کوي چې د دوی په خلاف څه ووایی : نو ورباندې د تروریست ، سختدریځه او ترهګر ټاپه وهي یا ئې وژني او یا ئې هغو تور زندانونو ته ننه باسي چې د تاریخ په اوږدو کې به د تل لپاره د استعمار په ټنډه کې دتورو داغونو په څیر پاتې وي . خو ښایی دغه ملي پاڅونونه مظلومو ملتونو ته د استعمار له جبر او قید څخه د آزادۍ او خپلواکۍ پیغام راوړي . او استعمار د تل لباره په اسلامي نړۍ کې نیست او نابود کړي . وما ذالک علی الله بعزیز .


Reply With Quote
Reply

Tags
،, ملي, نوی, په, ګوا©

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off




History of Pashtuns| Learn Pashto Online| Afghan Wiki| TheHujra.com| Pukhtoogle| Afghanvoice.com| Khyber.org| Pukhto.net| Tor_Khan's blog| Abdul Rahman Karim's blog| Voices of the Pashtun land| Pashto TV

User Alert System provided by Advanced User Tagging v3.0.6 (Lite) - vBulletin Mods & Addons Copyright © 2014 DragonByte Technologies Ltd. Runs best on HiVelocity Hosting.
No part of this site may be copied without permission of the administration. The views, posts, opinions and threads expressed by members of the community here are not necessarily those of the staff and management of Pashtun Forums.